దేశంలో కరోనా వ్యాప్తి కట్టడిలో భాగంగా రోజూ సగటున 10 లక్షల కొవిడ్ పరీక్షలు చేస్తున్నట్లు కేంద్ర ఆరోగ్య మంత్రిత్వశాఖ తెలిపింది. దీంతో మొత్తం వైరస్ టెస్టుల సంఖ్య 16.5 కోట్లకు చేరిందని వెల్లడించింది.
దేశంలోని మొత్తం వైరస్ కేసుల్లో.. క్రియాశీలక కేసుల కేవలం 2.86 శాతమే ఉన్నాయన్న మంత్రిత్వ శాఖ.. 26 రాష్ట్రాలు, కేంద్ర పాలిత ప్రాంతాల్లో యాక్టివ్ కేసులు సంఖ్య 10 వేల దిగువ ఉన్నట్లు తెలిపింది.
మంత్రిత్వ శాఖ తెలిపిన ముఖ్యాంశాలు
- భారత్లో ప్రతి 10 లక్షల జనాభాకు సగటున 1,19,035 మందికి కొవిడ్ టెస్టులు చేస్తున్నాం. ఈ సంఖ్య 23 రాష్ట్రాల్లో దేశీయ సగటు కంటే ఎక్కువగా ఉంటుంది.
- కొవిడ్ సానుకూలత రేటు దేశీయ సగటు కంటే 16 రాష్ట్రాలు, కేంద్ర పాలిత ప్రాంతాల్లో తక్కువగా ఉంది.
- రోజువారీగా నమోదవుతున్న కొత్త కేసుల కంటే రికవరీల అధికంగా ఉండటం వల్ల యాక్టివ్ కేసుల సంఖ్య తగ్గి 2,89,240 చేరింది.
- రోజూ 10,98,164 కరోనా పరీక్షలు నిర్వహిస్తున్నాం. దేశంలో రోజువారీ పరీక్షలు నిర్వహించే సామర్థ్యం 15 లక్షలు చేరింది.
- పాజిటివిటీ రేటు అధికంగా ఉన్న రాష్ట్రాల్లో టెస్టింగ్ సదుపాయాలు పెంచడం వల్ల ఆ ప్రాంతాల్లోనూ సానుకూలత రేటు తగ్గుతోంది.
- కొవిడ్ నుంచి కోలుకున్నవారి సంఖ్య 9,663,382కు పెరిగింది.
- పది రాష్ట్రాలు, కేంద్రపాలిత ప్రాంతాల్లోనే 75.87శాతం మంది రికవరీ అవుతున్నారు. కేరళ, మహారాష్ట్ర, బంగాల్ రాష్ట్రాలు కరోనా రికవరీల్లో ముందు వరుసలో ఉన్నాయి.
- రోజువారీగా నమోదవుతున్న కొత్త కేసుల్లో 77.34శాతం పది రాష్ట్రాల్లో నుంచి వచ్చినవే. అందులో కేరళ అగ్రస్థానంలో ఉండగా.. మహారాష్ట్ర తర్వాతి స్థానంలో ఉంది.
- తాజా కరోనా మరణాలు ఎక్కువ 10 రాష్ట్రాల్లో నమోదైనవే. అత్యధికంగా మహారాష్ట్రలో సంభవించగా.. బంగాల్, కేరళ తర్వాతి వరుసలో ఉన్నాయి.
ఇదీ చూడండి:సాగు చట్టాలకు వ్యతిరేకంగా రెండు కోట్ల సంతకాల సేకరణ
