దేశంలో కరోనా కొత్త కేసులు నెమ్మదించాయి. ఒక్కరోజులో 44వేల 489 మందికి కొవిడ్ పాజిటివ్గా నిర్ధరణ అయ్యింది. ఫలితంగా మొత్తం కేసుల సంఖ్య 92లక్షల 66వేల 706కు ఎగబాకింది. మహమ్మారి ధాటికి మరో 524 మంది బలవ్వగా.. మొత్తం చనిపోయిన వారి సంఖ్య 1లక్షా 35వేల 223కి చేరింది.
కరోనా సోకిన వారిలో ఇప్పటివరకు 86లక్షల 79వేల 138 మంది కోలుకున్నారు. 4లక్షల 52వేల 344 యాక్టివ్ కేసులున్నట్టు కేంద్ర ఆరోగ్య శాఖ తెలిపింది.
దేశవ్యాప్తంగా బుధవారం ఒక్కరోజే 10లక్షల 90 వేల కరోనా నమూనాలను పరీక్షించినట్టు తెలిపింది భారత ఔషధ నియంత్రణ మండలి(ఐసీఎంఆర్). ఫలితంగా మొత్తం టెస్ట్ల సంఖ్య 13కోట్ల 59లక్షలకు చేరింది.