లాక్​డౌన్ 3.0: ఆ ప్రాంతాల్లో మద్యం అమ్మకాలకు ఓకే

కరోనా కట్టడి నేపథ్యంలో నూతన మార్గదర్శకాలను జారీ చేసింది కేంద్రం. మద్యం దుకాణాలు, పాన్​ షాపులకు గ్రీన్​ జోన్లలో మాత్రమే అనుమతించింది. అయితే భౌతిక దూరం పాటించే కొనుగోళ్లు చేపట్టాలని సూచించింది. పెళ్లిల్లు, అంత్యక్రియల పైనా పలు ఆంక్షలు విధించింది కేంద్రం.

దేశంలో కరోనా నియంత్రణ కోసం మే 17వరకు లాక్​డౌన్ పొడిగించిన కేంద్రం ఈ దిశగా పలు కీలక సూచనలు చేసింది. ప్రభుత్వం ప్రకటించిన మార్గదర్శకాలను తప్పనిసరిగా అమలు చేయాలని చెప్పింది. మద్యం దుకాణాలు, వివాహాలు, అంత్యక్రియల నిర్వహణపై ప్రత్యేక సూచనలు చేసింది కేంద్రం.

• గ్రీన్‌జోన్లలో మద్యం దుకాణాలు, పాన్‌షాపులకు అనుమతి
• దుకాణాల వద్ద కనీసం 6 అడుగులు భౌతిక దూరం పాటించాలి
• దుకాణాల వద్ద ఒకేసారి ఐదుగురి కంటే ఎక్కువమంది ఉండకుండా చూడాలని ఆదేశం.

వివాహాలు, అంత్యక్రియలపై..

• వివాహాలు వంటి శుభకార్యాలకు 50 కంటే ఎక్కువ మందికి అనుమతి ఉండదు
• అంత్యక్రియలు వంటి కార్యక్రమాలకు 20 కంటే ఎక్కువ మందికి అనుమతి నిరాకరణ
• బహిరంగ ప్రదేశాల్లో ఉమ్మితే జరిమానా వేయాలని ఆదేశం
• బహిరంగ ప్రదేశాల్లో మద్యం, పాన్‌, గుట్కా, పొగాకు నమలడం నిషేధం