గుప్తా పరివారం... ఉత్తరాఖండ్లో పేరుగాంచిన వ్యాపారవేత్తల కుటుంబం. ఇద్దరు అన్నదమ్ములు అజయ్ గుప్తా, అతుల్ గుప్తాల వారసులకు త్వరలో పెళ్లిళ్లు. ప్రస్తుతం ఆహ్వాన పత్రికలు పంచుతోంది ఆ పరివారం. ఆ పత్రికలను అందుకున్న వారంతా ఆశ్చర్యపోతున్నారు. ఎందుకో తెలుసా...! ఒక్కో పెళ్లి కార్డును రెండు కిలోల వెండితో తయారు చేయించారు. ఒక్కో ఆహ్వాన పత్రిక విలువ రూ. 8 లక్షలు. ఈ నెల 18 నుంచి 22 వరకు జరగనున్న ఈ వివాహ వేడుకల నిర్వహణకు చేసే ఖర్చు... 200 వందల కోట్లు.
అజయ్ కుమారుడు సూర్యకాంత్ వివాహ మహోత్సవం ఈ నెల 18 నుంచి 20 వరకు జరగనుండగా, అతుల్ వారసుడు శశాంక్ పెళ్లి వేడుకలను 20 నుంచి 22 వరకు నిర్వహిస్తున్నారు.
పెళ్లిని ఉత్తరాఖండ్లో చేయడానికి కారణం... ఇది దేవభూమి. మా అమ్మకు ఈ ప్రాంతమంటే ఎంతో ఇష్టం. కేదార్ఖండ్లో శివుడి పెళ్లి జరిగిందని మా అమ్మ చెప్పారు. ఇక్కడే పిల్లల పెళ్లిళ్లు చేయాలని కోరారు. మేం ముఖ్యమంత్రిని కలిశాం. ఉత్తరాఖండ్ను వివాహాలకు నిలయంగా మార్చాలని అధికారులు కోరుకుంటున్నారు. వివాహాల విషయంలో వారి సహకారం అందిస్తున్నారు.
-అనిల్ గుప్తా, వ్యాపారవేత్త
అబ్బురపరిచే పెళ్లి కార్డు