విమానాల ద్వారా ప్రతి రోజు 70వేల మంది భారత్కు వస్తుంటారు. అయితే కరోనా వైరస్ వల్ల ఈ సంఖ్య 62వేలకు పడిపోయింది. ఈ విషయాన్ని పౌరవిమానయాన సహాయమంత్రి హర్దీప్ సింగ్ పూరి లోక్సభలో వెల్లడించారు. పర్యటనలపై ప్రభుత్వం జారీ చేసిన సూచనల వల్ల.. రానున్న రోజుల్లో ఇది 40వేలకు తగ్గే అవకాశం ఉందని తెలిపారు.
దేశంలో 30 అంతర్జాతీయ విమానాశ్రయాల్లో విదేశాల నుంచి వచ్చే ప్రతి వ్యక్తికి స్క్రీనింగ్ పరీక్షలు నిర్వహిస్తున్నట్టు పేర్కొన్నారు హర్దీప్ సింగ్.
కరోనాను ఎదుర్కొనే చర్యల్లో భాగంగా ప్రభుత్వం.. పర్యటక వీసాలను తాత్కాలికంగా రద్దు చేసింది.
ఇరాన్ నుంచి..
ఇరాన్లో చిక్కుకున్న భారతీయ యాత్రికులను దేశానికి రప్పించడంపై దృష్టి సారించినట్టు విదేశీ వ్యవహారాల శాఖ మంత్రి జైశంకర్ తెలిపారు.
"ప్రస్తుతం ఇరాన్లో కరోనా విస్తరణ ఆందోళనకరంగా ఉంది. మనం బాధ్యతాయుతంగా వ్యవహరించాలి. చైనా, జపాన్ నౌకలోని భారతీయులను స్వదేశానికి రప్పించాం. అత్యవసరమైతే ప్రయాణాలు చేయవద్దని సూచించారు. దాదాపు 6000మంది భారతీయులు ఇరాన్లో చిక్కుకుపోయారు. అందులో 1100మంది యాత్రికులున్నారు. వీరు మహారాష్ట్ర, జమ్ముకశ్మీర్కు చెందినవారు. 300మంది విద్యార్థులూ ఉన్నారు. తమిళనాడు, కేరళ, గుజరాత్కు చెందిన 1000మంది ఉన్నారు."
-జైశంకర్, విదేశాంగమంత్రి.
ఇరాన్కు పరిమిత సంఖ్యలో కమర్షియల్ ఫ్లైట్లు పంపడానికి భారత యంత్రాంగంతో చర్చలు జరుపుతున్నట్టు వివరించారు జైశంకర్.
ఇదీ చదవండి:'పారాసెటమాల్తోనే కరోనాకు చికిత్స!'
