గూగుల్​​లో కరోనాకు తగ్గిన డిమాండ్- వినోదానికే జై

గూగుల్ సెర్చ్​లో కరోనాకు సంబంధించిన విషయాల గురించి వెతకడం మే నెలలో గణనీయంగా తగ్గినట్లు ఆ సంస్థ తెలిపింది. ఈసారి సినిమాలు, వాతావరణ సంబంధిత విషయాల గురించి తెలుసుకునేందుకు నెటిజన్లు ఎక్కువగా ఆసక్తి చూపినట్లు వెల్లడించింది.

ప్రపంచవ్యాప్తంగా అందరి ఆలోచన కరోనా గురించే. అన్ని దేశాలను వణికిస్తున్న ఈ మహమ్మారి గురించి తెలుసుకునేందుకు కొన్ని వారాలు ఆసక్తి కనబరిచారు నెటిజన్లు. గూగుల్​ సెర్చ్​లో వైరస్​ విశేషాల కోసం అత్యధికంగా వెతికారు. అయితే మే నెలలో పరిస్థితి మారినట్లు గూగుల్​ తెలిపింది. నెటిజన్లంతా ఎక్కువగా సినిమాలు, వాతావరణ సంబంధిత విషయాలు తెలుసుకునేందుకు ఆసక్తి కనబర్చినట్లు వెల్లడించింది.

కొవిడ్​ కేసుల సంఖ్య దేశంతో అంతకంతకూ పెరుగుతున్నప్పటికీ ఏప్రిల్​తో పోలిస్తే మే నెలలో కరోనా గురించి గూగుల్ సెర్చ్​ చేయడం 50 శాతానికిపైగా తగ్గింది. కరోనాకు మునుపటిలా ఇతర విషయాల గురించే నెటిజన్లు ఎక్కువగా వెతుకుతున్నారు.

గూగుల్​లో ఎక్కువగా సెర్చ్​ చేసిన అంశాల జాబితాలో మే నెలలో 12వ స్థానానికి పడిపోయింది కరోనా. సినిమాలు, వార్తలు, వాతావరణం వంటి అంశాలు టాప్​ ప్లేస్​లోకి వచ్చాయి. కరోనా కారణంగా క్రికెట్ టోర్నమెంట్లు ఎక్కడా జరగడం లేదు. అందుకే క్రికెట్​ కంటే ఐదు రెట్లు ఎక్కువగా కొవిడ్-19 గురించే సెర్చ్​ చేశారు నెటిజన్లు.

భారతీయులు మే నెలలో రెండింటి గురించే గూగుల్​లో ఎక్కువగా వెతికారు. అవి 'లాక్​డౌన్​ 4.0' , ఈద్​ ముబారక్​. 'Which disease is related to coronavirus?' తో పాటు 'Will lockdown extend after 17 May?' వంటి ప్రశ్నలకు సమాధానాల కోసం విపరీతంగా సెర్చ్​ చేశారు.

కరోనా వైరస్​ సంబంధిత విషయాల్లో 'coronavirus lockdown zones Delhi' గురించి వెతకడం నెల వ్యవధిలోనే 1800శాతం పెరిగినట్లు గూగుల్ తెలిపింది. అలాగే 'Italy coronavirus vaccine' గురించి సెర్చ్ చేయడం 750శాతం పెరిగినట్లు పేర్కొంది.

కరోనా వైరస్​కు సంబంధించి వ్యాక్సిన్ గురించే ఎక్కువ మంది నెటిజన్లు వెతికారు. దీని గురించి సెర్చ్ చేయడం మే నెలలో 190 శాతం పెరిగింది.

గోవా, మేఘాలయ, చండీగఢ్​లో మే నెలలో కరోనా గురించే ఎక్కువగా సెర్చ్​ చేశారు నెటిజన్లు.