09:29 May 05
ఒక్కరోజులో రికార్డు స్థాయి కేసులు...
భారత్లో ఇప్పుడిప్పుడే కరోనా తీవ్రరూపం దాల్చుతోంది. 24 గంటల వ్యవధిలో దేశంలో 3900 మంది కరోనా బారినపడ్డారు. మరో 195 మంది ప్రాణాలు కోల్పోయారు. ఒక్కరోజులో ఇప్పటివరకు ఇదే అత్యధిక పెరుగుదల అని కేంద్ర ఆరోగ్య మంత్రిత్వ శాఖ స్పష్టం చేసింది.
దేశంలో కరోనాకు కేంద్రంగా ఉన్న మహారాష్ట్రలో 583 మంది బలయ్యారు. కేసులు 14 వేల 541కి చేరాయి.
గుజరాత్లో 319, మధ్యప్రదేశ్లో 165, బంగాల్లో 133 మంది మరణించారు.
ఆంధ్రప్రదేశ్లో 1650 మందికి వైరస్ సోకగా.. 36 మంది ప్రాణాలు విడిచారు. తెలంగాణలో ఇప్పటివరకు 1085 కేసులు, 29 మరణాలు నమోదయ్యాయి.
08:58 May 05
భారత్లో 1568కి పెరిగిన మరణాలు
భారత్లో కరోనా తీవ్రరూపం దాల్చింది. కేసులు, మరణాలు భారీగా పెరిగాయి. గడిచిన 24 గంటల్లో మరో 195 మంది ప్రాణాలు కోల్పోయారు. కొత్తగా 3900 మంది వైరస్ బారిన పడ్డారు. కేంద్ర ఆరోగ్య శాఖ ఈ మేరకు వెల్లడించింది.