దిల్లీలో చీపురు వైపు హస్తం చూపు

దిల్లీలో ఆమ్​-ఆద్మీ పార్టీతో పొత్తు పెట్టుకునే అంశంపై కాంగ్రెస్ మల్లగుల్లాలు పడుతోంది. ముందుగా దిల్లీలో ఒంటరిగా బరిలోకి దిగాలని హస్తం పార్టీ యోచించింది. తాజాగా ఆమ్​-ఆద్మీతో పొత్తు లోక్​సభ ఎన్నికల్లో కలిసొస్తుందని పార్టీ అధినాయకత్వం ఆలోచిస్తున్నట్లు సమాచారం.

దిల్లీలో ఆమ్​-ఆద్మీ పార్టీతో పొత్తుపై కాంగ్రెస్ చర్చలు నడుపుతోంది. ఇరు పార్టీల లక్ష్యం భాజపాను ఓడించడమే కాబట్టి కలసి పోటీ చేసే అంశంపై కాంగ్రెస్​ కసరత్తు చేస్తోంది. ఆమ్​ఆద్మీ నేతలతో, సొంత పార్టీ సీనియర్లతోనూ వరుస భేటీలు నిర్వహిస్తోంది.

దిల్లీలో ఒంటరిగా బరిలోకి దిగుతున్నట్లు తొలుత ప్రకటించింది కాంగ్రెస్​. అయితే ఆమ్​ఆద్మీతో పొత్తు లోక్​సభ ఎన్నికల్లో కలిసొస్తుందని కాంగ్రెస్​ పెద్దలు భావిస్తున్నారు.

మంతనాలు..

పొత్తుపై ఆమ్​-ఆద్మీ పార్టీ నేతలతో కాంగ్రెస్​ నాయకత్వం చర్చలు జరుపుతుంది. పార్టీ సీనియర్​ నాయుకులతోనూ సమావేశాలు నిర్వహిస్తోంది.

దిల్లీలో ఉన్న సీనియర్ కాంగ్రెస్​ నాయకులు భాజపాను, మోదీని తక్షణం ఓడించడమే పార్టీ ముందున్న లక్ష్యమని భావిస్తున్నారు. దాని కోసం ఆమ్​-ఆద్మీ పార్టీతో పొత్తు పెట్టుకోవాలన్నది మెజారిటీ దిల్లీ కాంగ్రెస్​ నాయకుల అభిప్రాయం. ఈ విషయంలో ఎటువంటి భేదాభిప్రాయాలు లేవు. దీనిపై కాంగ్రెస్​ పార్టీ అధ్యక్షుడు రాహుల్​ గాంధీ త్వరలోనే నిర్ణయం తీసుకుంటారు. మా పార్టీ కార్యవర్గ సమావేశంలో భాజపాను వ్యతిరేకించే పార్టీలతో పొత్తు పెట్టుకోవాలని నిర్ణయించాము. దిల్లీ కాంగ్రెస్​ నాయకులూ ఈ నిర్ణయాన్ని శిరసావహిస్తారు. - పీసీచాకో, దిల్లీ కాంగ్రెస్​ వ్యవహారాల బాధ్యుడు

భేదాలు..!

ఆమ్-​ఆద్మీతో పొత్తుపై దిల్లీ కాంగ్రెస్​ నాయకుల్లో భేదాభిప్రాయాలున్నట్లు తెలుస్తోంది. దిల్లీ కాంగ్రెస్​ అధినేత్రి షీలా దీక్షిత్​ ఆమ్​ఆద్మీతో పొత్తు కాంగ్రెస్​కు నష్టం చేకూరుస్తుందంటూ రాహుల్​ గాంధీకి లేఖ రాశారు. కొంతమంది నాయకులు షీలా దీక్షిత్ తీరుపై గుర్రుగా ఉన్నారు.

మధ్యవర్తిత్వం..?

ఆమ్​ఆద్మీ-కాంగ్రెస్​ మధ్య పొత్తు కుదిర్చేందుకు ఎన్​సీపీ అధినేత శరద్​ పవార్​ ప్రయత్నిస్తున్నట్లు సమాచారం. భాజపా ఓటమే లక్ష్యంగా దిల్లీలో పవార్​ పావులు కదుపుతున్నారు.

మే-12న దిల్లీలో లోక్​సభ ఎన్నికలు జరగనున్నాయి.