తమిళనాడులో భాజపాలోకి ప్రముఖ నటుల వలసలు

ప్రముఖ నటులు నమిత, రాధా రవి భారతీయ జనతా పార్టీలో చేరారు. చెన్నైలో భాజపా కార్యనిర్వహక అధ్యక్షుడు జేపీ నడ్డా సమక్షంలో పార్టీ కండువా కప్పుకున్నారు.

ప్రముఖ నటి నమిత, మరో నటుడు రాధా రవి భాజపాలో చేరారు. తమిళనాడు పర్యటనకు వచ్చిన భాజపా కార్యనిర్వాహక అధ్యక్షుడు జేపీ నడ్డా సమక్షంలో తన భర్తతో కలిసి పార్టీ తీర్థం పుచ్చుకున్నారు నమిత. గతంలో జయలలిత పార్టీ అన్నాడీఎంకేలో ఉన్న నమిత ప్రస్తుతం భాజపాలో చేరారు. జెమినీ చిత్రంతో తెలుగు ప్రేక్షకులకు హీరోయిన్​గా పరిచయమైన ఆమె.. సొంతం, బిల్లా, సింహా వంటి తెలుగు చిత్రాల్లో నటించి వినోదం పంచారు. ఈ ఏడాది ప్రారంభంలో పొట్టు అనే తమిళ చిత్రంలోనూ నటించారు.

రాధా రవి

నడిగవేల్​గా పిలుచుకునే ప్రముఖ నటుడు ఎంఆర్​ రాధా కుమారుడు రాధా రవి. గతంలో అన్నాడీఎంకే పార్టీ ఎమ్మెల్యేగా పనిచేశారు. అన్నాడీఎంకేలో కొంతకాలం పాటు ఉన్న రాధా... తర్వాత డీఎంకేలో చేరారు. పలు వివాదాస్పద వ్యాఖ్యలతో డీఎంకే నుంచి ఆయన బయటకు వచ్చారు. మళ్లీ అధికార పార్టీ అన్నాడీఎంకేలో చేరారు.