సెప్టెంబర్ 7న చంద్రయాన్-2 చంద్రుడిపై అడుగుపెట్టనుంది. ఈ సందర్భంగా బిర్లా ఇండస్ట్రియల్, సాంకేతిక మ్యూజియం (బీఐటీఎం), నేషనల్ జియోగ్రఫిక్ సంయుక్త ఆధ్వర్యంలో అంతరిక్ష అంశంపై చిత్రోత్సవాన్ని నిర్వహిస్తున్నారు.
రోజుకు 2 సార్లు
కోల్కతాలోని బీఐటీఎం మ్యూజియంలో సెప్టెంబర్ 2 నుంచి 5 వరకు మూడు రోజుల పాటు ఈ ఫెస్టివల్ కొనసాగనుంది. ఇందులో మంగళ్యాన్, మిషన్ అపోలో, మిషన్ ప్లూటో, మిషన్ సాటర్న్ చిత్రాలు ప్రదర్శితమవుతాయని నేషనల్ జియోగ్రఫిక్ సంస్థ తెలిపింది. ఎలాంటి ప్రవేశ రుసుము లేకుండానే ఈ చిత్రాలను రోజులో రెండుసార్లు చూడొచ్చని పేర్కొంది.
జాబిల్లిపై చంద్రయాన్-2 ల్యాండింగ్ను వీక్షించేందుకు బీఐటీఎంకు ప్రముఖ అంతరిక్ష సంస్థ నాసా మాజీ వ్యోమగామి జెరి లెనింగర్ ముఖ్యఅతిథిగా హాజరవుతారని సంస్థ తెలిపింది.
ఇదీ చూడండి:నేడు ఎన్ఆర్సీ విడుదల... అసోంలో భయాందోళనలు!