కశ్మీర్లో ఒక్కొక్కరుగా కేంద్రమంత్రుల పర్యటన
జమ్ము కశ్మీర్లో పరిస్థితిని అంచనా వేసేందుకు కేంద్రమంత్రులు ఒక్కొక్కరుగా పర్యటించనున్నారు. కశ్మీర్లో అభివృద్ధి కార్యక్రమాల అమలు పర్యవేక్షణతో పాటు అక్కడి ప్రజలతో మంత్రులు మమేకం అయ్యేలా ప్రణాళికలను కేంద్రం రూపొందించినట్లు తెలుస్తోంది.
ఇప్పటికే ఇద్దరు కేంద్ర మంత్రులు రాజ్నాథ్ సింగ్, అర్జున్ ముందా లద్దాఖ్లో పర్యటించారు. అధికరణ 370 రద్దు చేసినప్పటి నుంచి కశ్మీర్ లోయలో ఎవరూ పర్యటించలేదు. ఈ నేపథ్యంలో వేర్వేరుగా కేంద్ర మంత్రులు లోయలో వ్యక్తిగతంగా పర్యటించి అక్కడి పరిస్థితులను గమనిస్తారు.
మంత్రులకు లక్ష్యాల నిర్దేశం
లోయలో అభివృద్ధి కార్యక్రమాలకు సంబంధించి కేంద్ర మంత్రులు, వారి శాఖలకు పలు లక్ష్యాలను ప్రభుత్వం నిర్దేశించిందని విశ్వసనీయ వర్గాల సమాచారం. మంత్రుల పర్యటనను కేబినెట్ వ్యవహారాల శాఖ కార్యదర్శి పరిశీలిస్తారు.