విజయ్ మాల్యా, అగస్టా వెస్ట్లాండ్ వంటి కీలక కేసులను దర్యాప్తు చేస్తున్న సీబీఐకి చెందిన ప్రత్యేక దర్యాప్తు బృందం(సిట్) తాజాగా సుశాంత్ సింగ్ రాజ్పుత్ కేసుపై విచారణ చేపట్టింది. యువనటుడి మృతికి సంబంధం ఉన్నట్లు అనుమానిస్తున్న ఆరుగురిపై ఇప్పటికే ఎఫ్ఐఆర్ నమోదు చేసింది.
సుశాంత్ కేసు పని పట్టే సీబీఐ బృందం ఇదే! - CBI to investigate Sushant's death case
విజయ్ మాల్యా, అగస్టా వెస్ట్లాండ్ వంటి కీలకమైన కేసులను దర్యాప్తు చేస్తున్న సీబీఐ బృందమే తాజాగా సుశాంత్ సింగ్ రాజ్పుత్ కేసును విచారిస్తోంది. సీబీఐ అవినీతి నిరోధక విభాగం-4కి చెందిన సిట్ ఈ మేరకు ఆరుగురిపై ఎఫ్ఐఆర్ నమోదు చేసింది.
మాల్యా కేసును విచారిస్తున్న సిట్కే సుశాంత్ కేసు
సీబీఐ అవినీతి నిరోధక విభాగం-4కి చెందిన సిట్ ఈ మేరకు కేసు నమోదు చేసింది. ఆరుగురు నిందితులతో పాటు మరికొందరిపై నేరపూరిత కుట్ర, హత్యకు పాల్పడటం, తప్పుగా నిర్బంధించడం, దొంగతనం, నమ్మక ద్రోహం, మోసం, బెదిరింపులకు పాల్పడటం వంటి అభియోగాలు మోపింది. విజయ్ మాల్యా, అగస్టా వెస్ట్లాండ్లతో పాటు మరికొన్ని హై ప్రొఫైల్ కేసులను ఈ విభాగమే దర్యాప్తు చేస్తోంది.
ఆరుగురు నిందితులను త్వరలో సీబీఐ విచారణకు పిలవనున్నట్లు అధికారులు తెలిపారు. ఇదివరకు ముంబయి పోలీసులు పిలిచి విచారించిన వ్యక్తులను సైతం సీబీఐ ప్రశ్నించనున్నట్లు వెల్లడించారు.