ప్రధానమంత్రి పంటల బీమా యోజనలో భారీ మార్పులు చేస్తూ కేంద్ర మంత్రివర్గం నిర్ణయం తీసుకుంది. ప్రధానమంత్రి నరేంద్ర మోదీ నేతృత్వంలో భేటీ అయిన కేంద్ర మంత్రివర్గం... ఈ పథకంలో రైతులు చేరాలా వద్దా అన్నది ఐచ్ఛికం చేస్తూ నిబంధనలను సడలించింది. ఇప్పటి వరకు రుణాలు తీసుకున్న రైతులు కచ్చితంగా ఇందులో చేరాలనే నిబంధన ఉంది. అయితే ఈ పథకం అమలులో ఎదురైన ఇబ్బందుల దృష్ట్యా తాజా మార్పులు చేసింది.
ప్రధానమంత్రి పంటల బీమా యోజన విషయంలో ఈశాన్య రాష్ట్రాలకు కేంద్రం చెల్లించే ప్రీమియం వాటాను 50 శాతం నుంచి 90శాతానికి పెంచినట్లు కేంద్ర వ్యవసాయ శాఖ మంత్రి నరేంద్ర సింగ్‌ తోమర్‌ తెలిపారు.