'అల్లర్ల'పై ఆగని దుమారం.. ఉభయసభలు రేపటికి వాయిదా

A woman in Hyderabad was allegedly raped by a Bahraini national to whom she was purportedly sold off in the pretext of marriage. The accused has been arrested and an investigation into the matter is underway.

15:17 March 03

ఉభయ సభల వాయిదా..

దిల్లీ అల్లర్లపై పార్లమెంటు ఉభయసభల్లో దుమారం చెలరేగింది. రెండూ రేపటికి వాయిదా పడ్డాయి. 3 గంటలకు తిరిగి ప్రారంభమైన రాజ్యసభలో కార్యకలాపాలు యథావిధిగా సాగే అవకాశం లేనందున రేపటికి వాయిదా వేశారు. 

15:17 March 03

లోక్​సభ వాయిదా

మధ్యాహ్నం రెండు గంటలకు తిరిగి ప్రారంభమైన ఉభయ సభల్లో దిల్లీ అల్లర్లపై చర్చకు విపక్షాలు పట్టుబట్టాయి. రెండు సభల్లో గందరగోళ పరిస్థితులు నెలకొన్నాయి. దీంతో లోక్​సభను స్పీకర్​ రేపటికి వాయిదా వేశారు. రాజ్యసభ మధ్యాహ్నం 3గంటల వరకు వాయిదా పడింది.

12:16 March 03

లోక్​సభ వాయిదా..

12 గంటలకు పునః ప్రారంభమైన అనంతరం కూడా లోక్​సభలో గందరగోళం కొనసాగింది. ఘర్షణలపై చర్చించాలని నినాదాలు చేశారు విపక్షసభ్యులు. ఈ నేపథ్యంలో ప్రజా సమస్యలపై చర్చించాలని ప్యానెల్ స్పీకర్ కిరీట్ ప్రేమ్​జీ​భాయ్ సోలంకి విపక్ష సభ్యులకు విజ్ఞప్తి చేశారు. అయితే విపక్ష సభ్యుల వైఖరితో సభ సజావుగా సాగే పరిస్థితులు లేని కారణంగా రెండు గంటలకు వాయిదా వేశారు.  

11:44 March 03

దిల్లీ ఘర్షణలపై పార్లమెంట్ ఉభయసభలు దద్దరిల్లాయి. విపక్షసభ్యులు సీఏఏ అల్లర్లపై కాంగ్రస్, డీఎంకే సహా ఇతర విపక్ష పార్టీలు చర్చకు పట్టుబట్టిన నేపథ్యంలో లోక్​సభలో గందరగోళం నెలకొంది. ఘర్షణలపై చర్చకు జీరో అవర్​లో అవకాశం కల్పిస్తామని.. ముందస్తు ప్రణాళిక మేరకు ప్రశ్నోత్తరాల సమయాన్ని జరగనివ్వాలని సభ్యులకు స్పీకర్ ఓం బిర్లా విజ్ఞప్తి చేశారు. అయితే సభ్యుల నినాదాలతో గందరగోళం నెలకొన్న నేపథ్యంలో 12 గంటలకు వాయిదా వేశారు.

రెండు గంటలకు రాజ్యసభ..

రాజ్యసభలోనూ దిల్లీ అల్లర్లపై గందరగోళం తలెత్తింది. సభ ప్రారంభం కాగానే దిల్లీ అల్లర్లపై చర్చించాలని కోరారు విపక్ష సభ్యులు. అయితే ఛైర్మన్ వెంకయ్యనాయుుడు అందుకు అంగీకరించలేదు. ఈ నేపథ్యంలో ఘర్షణలపై చర్చకు విపక్ష సభ్యులు పట్టుబట్టిన కారణంగా సభను రెండు గంటలకు వాయిదా వేశారు.    

11:15 March 03

'అల్లర్ల'పై ఆగని దుమారం.. ఉభయసభలు రేపటికి వాయిదా

దిల్లీ అల్లర్ల అంశం పార్లమెంటులో ప్రకంపనలు సృష్టిస్తోంది. దిల్లీ అల్లర్ల ఘటనపై చర్చించాలని విపక్షాలు పట్టుబడుతున్నాయి. ఈ నేపథ్యంలో పార్లమెంటు ఉభయసభలు వాయిదా పడ్డాయి. రాజ్యసభ మధ్యాహ్నం 2 గంటలకు, లోక్​సభ 12 గంటలకు వాయిదా పడింది. 

• దిల్లీ అల్లర్ల ఘటనపై చర్చించాలని పట్టుబడుతున్న విపక్షాలు
• సభ సజావుగా సాగేలా సహకరించాలని కోరిన లోక్‌సభ స్పీకర్‌
• సభ్యులు ఎవరూ పోడియం వద్దకు రావద్దని సూచించిన స్పీకర్‌
• అన్ని అంశాలపై చర్చకు సిద్ధంగా ఉన్నాం: పార్లమెంటరీ వ్యవహారాల మంత్రి ప్రహ్లాద్‌ జోషి
• లోక్​సభ మధ్యాహ్నం 12 గంటలకు వాయిదా