రాజస్థాన్ కోటాలో విషాదం చోటుచేసుకుంది. రాత్రంతా పబ్జీ ఆడిన ఓ బాలుడు.. తెల్లవారుజామున తన గదిలో ఉరి వేసుకుని ఆత్మహత్య చేసుకున్నాడు.
కోటాలో నివసిస్తున్న 14ఏళ్ల బాలుడు.. రాత్రంతా పబ్జీ ఆడి.. శనివారం తెల్లవారుజామున నిద్రపోవడానికి తన గదికి వెళ్లాడు. తన గది వెంటిలేటర్కు ఉన్న గ్రిల్కు ఉరి వేసుకుని ఆత్మహత్య చేసుకున్నాడు. ఉదయం అతడి మృతదేహాన్ని కుటుంబ సభ్యులు గుర్తించారు.
ఆ 14ఏళ్ల బాలుడు ఓ ఆర్మీ అధికారి కొడుకు అని, 9వ తరగతి చదువుతున్నాడని రైల్వే కాలనీ పోలీస్ స్టేషన్ ఇన్ఛార్జ్ హన్స్రాజ్ మీనా వెల్లడించారు. మూడు రోజుల క్రితం బాలుడు తన తల్లి ఫోన్లో పబ్జీని ఇన్స్టాల్ చేసుకున్నట్టు వివరించారు. అప్పటి నుంచి రాత్రి పగలు పబ్జీ ఆడుతూనే ఉన్నాడని పేర్కొన్నారు.
తన తమ్ముడు చదువుకుంటున్న గదిలో తెల్లవారుజామున 3గంటల వరకు పబ్జీ ఆడి, అనంతరం నిద్రపోవడానికి తన గదికి వెళ్లాడు ఆ బాలుడు. ఉరి వేసుకున్న అతడిని చూసి దిగ్భ్రాంతి చెందిన కుటుంబసభ్యులు వెంటనే ఎమ్బీఎస్ ఆసుపత్రికి తరలించారు. అయితే అప్పటికే బాలుడు మరణించాడని వైద్యులు ప్రకటించారు. శవ పరీక్ష కోసం మృతదేహాన్ని తరలించారు.
ఆ బాలుడు.. తల్లి, తమ్ముడుతో నివసిస్తున్నాడు. అతడి తండ్రి అరుణాచల్ ప్రదేశ్లో విధులు నిర్వర్తిస్తున్నారు.