బోరుబావిలో పడ్డ బాలుడిని రక్షించిన అధికారులు
ఉత్తరప్రదేశ్ మథుర ప్రాంతం అంగ్రాలాలో బోరుబావిలో పడ్డ ఐదేళ్ల ప్రవీణ్ను రక్షించారు అధికారులు. జాతీయ విపత్తు నిర్వహణ-ఎన్డీఆర్ఎఫ్ బృందాలు, సైనికులు దాదాపు రెండు గంటల పాటు శ్రమించి బాలుడిని కాపాడారు. వంద అడుగుల లోతులో చిక్కుకున్న ప్రవీణ్కు ఊతంగా ఓ పైపును పంపి... దాని సాయంతో కాపాడినట్లు రక్షణ బృందాలు తెలిపాయి.
"బాలుడు సురక్షింగా ఉన్నాడు. అతడి ఆరోగ్యానికి ఏమీ ఢోకా లేదు. ముందుజాగ్రత్తగా ఆసుపత్రికి తరలించాం. వైద్యుల పరిశీలన అనంతరం కుటుంబ సభ్యలకు అప్పగిస్తాం."
- అనిల్ కుమార్ సింగ్, ఎన్డీఆర్ఎఫ్ అసిస్టెంట్ కమాండర్