డిగ్రీ అడ్మిషన్​ లిస్ట్​లో టాపర్​గా సన్నీ లియోనీ

బాలీవుడ్ భామ సన్నీలియోనీ.. నాలుగు పదుల వయసులో ఇంటర్ పాస్ అయ్యిందా? బంగాల్​లోని ఓ డిగ్రీ కాలేజీ అడ్మిషన్ల జాబితాలో మొదటి పేరు ఆమెదే ఎందుకుంది?

కరోనా వేళ ఆన్​లైన్​లోనే అడ్మిషన్లు జరుగుతున్నాయి. ఇంటర్ పాసైనవారు డిగ్రీ కళాశాలలకు దరఖాస్తు చేసుకున్నారు. అలా వచ్చిన అప్లికేషన్లను కోల్​కతాలోని అశుతోష్ డిగ్రీ కాలేజీ ఇంటర్ ప్రతిభ ఆధారంగా ఒక వరుస క్రమంలో పెట్టింది. ధ్రువపత్రాల పరిశీలన కోసం తొలి జాబితాను తమ వెబ్​సైట్​లో విడుదల చేసింది. అయితే... ఆ జాబితా తొలి వరుసలో బాలీవుడ్ నటి 'సన్నీ లియోనీ' పేరు చూసి విద్యార్థులతో పాటు, కళాశాల యాజమాన్యం ఖంగుతింది.

అశుతోష్ కాలేజీ ప్రవేశాల జాబితాలో 'సన్నీ లియోనీ'

నలభై ఏళ్ల వయసులో సన్నీ ఇంటర్ పాస్ అవ్వడం, అది కూడా 400/400 మార్కులు సాధించడమేంటని సందేహం వచ్చింది యాజమాన్యానికి. సన్నీ పేరిట బీఏ(ఆంగ్లం)లో సీటు కోసం దరఖాస్తు చేసిందెవరనే కోణంలో విచారణ చేపట్టింది.

" ఇదెవరో కావాలని చేసిన పనే. సన్నీ లియోనీ పేరిట ఎవరో తప్పుడు దరఖాస్తు పంపించారు. ప్రస్తుతం ఆ పేరు జాబితా నుంచి తొలగించాల్సిందిగా ప్రవేశాల విభాగానికి సూచించాం. ఈ ఘటనపై విచారణ చేపడతాం."

-అశుతోష్ కళాశాల యాజమాన్యం

ఇదీ చదవండి: పరీక్షల నిర్వహణపై యూజీసీని సమర్థించిన సుప్రీం