జమ్ము దాడిలో ఒకరు మృతి

జమ్ము బస్​ స్టేషన్​లో గ్రెనేడ్​ పేలింది. 32 మంది తీవ్రంగా గాయపడ్డారు. ఒకరు ఆసుపత్రిలో చికిత్స పొందుతూ మృతి చెందారు.

జమ్ములో ఉగ్రవాదులు మరో దారుణానికి ఒడిగట్టారు. రద్దీగా ఉండే బస్​ స్టేషన్​ను లక్ష్యంగా చేసుకుని గ్రెనేడ్​తో దాడి చేశారు. ఈ ఘటనలో 32మంది గాయపడ్డారు. వారిలో ఒకరు ఆసుపత్రిలో చికిత్స పొందుతూ మరణించారు. ఇద్దరి పరిస్థితి విషమంగా ఉంది.

రద్దీగా ఉన్న సమూహమే లక్ష్యంగా గుర్తు తెలియని వ్యక్తి గ్రెనేడ్​ విసరాడని ప్రత్యక్ష సాక్షులు చెప్పారు.

జమ్ము బస్టాండ్​పై గ్రెనేడ్ దాడి జరగడం గతేడాది మే నుంచి ఇది ముడోసారి. శాంతియుత వాతావరణానికి విఘాతం కల్గించేందుకే ముష్కరులు ఈ దుశ్చర్యకు పాల్పడ్డారని అధికారులు తెలిపారు.