మీ ద్వేషాన్ని ప్రేమతోనే జయిస్తాం: రాహుల్​

భాజపా, ఆర్​ఎస్​ఎస్​, మోదీ తమ కుటుంబంపై ద్వేషాన్ని పెంచుకున్నారని ఆరోపించారు కాంగ్రెస్ అధ్యక్షుడు రాహుల్​ గాంధీ. తాము మాత్రం ప్రేమతోనే వారిని జయిస్తామన్నారు. మధ్యప్రదేశ్​ శుజల్​పుర్​లో ఎన్నికల ప్రచారం నిర్వహించారు రాహుల్​.

భాజపా, ఆర్ఎస్​ఎస్​ గాంధీ కుటుంబంపై ద్వేషాన్ని పెంచుకున్నాయని ఆరోపించారు కాంగ్రెస్​ అధ్యక్షుడు రాహుల్​ గాంధీ. ప్రధాని నరేంద్ర మోదీ సహా భాజపా, సంఘ్​ నేతల మనసు నిండా తమ కుటుంబంపై విద్వేషాన్ని నింపుకున్నారని విమర్శించారు. అందుకే తన తండ్రి రాజీవ్​ గాంధీపై మోదీ విమర్శలు చేస్తున్నారన్నారు రాహుల్.

మధ్యప్రదేశ్​ శుజల్​పుర్​లో ఎన్నికల ప్రచారం నిర్వహించారు కాంగ్రెస్​ అధ్యక్షుడు​. భాజపా-ఆర్​ఎస్​ఎస్​ల ద్వేషాన్ని ప్రేమతోనే జయిస్తామని వ్యాఖ్యానించారు. సార్వత్రిక ఎన్నికలను రెండు సిద్ధాంతాల మధ్య పోరుగా అభివర్ణించారు.

కాంగ్రెస్​ న్యాయ్​ పథకం దేశ ఆర్థికాభివృద్ధిలో కీలక పాత్ర పోషిస్తుందని విశ్వాసం వ్యక్తం చేశారు రాహుల్​. అధికారంలోకి వస్తే ఏడాదిలోగా 22లక్షల ప్రభుత్వ ఉద్యోగాలు భర్తీ చేస్తామన్నారు.

ఇదీ చూడండి: హెలికాప్టర్​ మెకానిక్​గా రాహుల్ గాంధీ!