చెట్ల ఆకులపై వివిధ కళాకృతులు, ప్రముఖుల చిత్రాలు గీసి అందరినీ అబ్బురపరుస్తోంది రాజస్థాన్ బీకానేర్కు చెందిన మిట్టూ మెహ్రా అనే యువతి.
చిన్నప్పటి నుంచి మెహ్రాకు చిత్రకళపై ఎనలేని మక్కువ. ఆ ఇష్టంతోనే ఆమె రకరాకల బొమ్మలు గీసేది. ఇప్పుడు చెట్ల ఆకులపై స్వాతంత్ర సమరయోధులు, ప్రముఖుల చిత్రాల్ని గీసి అందరి మన్ననలు పొందుతోంది.
చిత్రలేఖనంపై ఉన్న ఇష్టంతో చిత్రకళలో మాస్టర్ డిగ్రీ చేసింది. అంతేకాకుండా చాలా మంది చిన్నారులకు పెయింటింగ్ వేయడం నేర్పుతోంది.
"చిన్నప్పటినుంచి నాకు చిత్రాలు గీయడం అంటే చాలా ఇష్టం. అయితే విభిన్నంగా గీయాలని అనుకున్నాను. అందుకే చెట్ల ఆకులపై ఇలా చిత్రాల్ని గీశాను. ఇందుకోసం సామాజిక మాధ్యమాలలో, వేరువేరు చోట్ల వెతికాను. చిత్రకళపై ఉన్న ఆసక్తితో ఈ రంగంలో మాస్టర్ డిగ్రీ కూడా చేశాను. చాలా మంది పిల్లలకు బొమ్మలు గీయడం నేర్పుతున్నాను. చుట్టు పక్కల ఎవరైనా ఇలా ఆకులపై పెయింటింగ్ వేస్తున్నారో లేదో తెలియదు. నేను వేసిన ఈ పెయింటింగ్స్ చూసి అందరూ మెచ్చుకుంటున్నారు. అందుకు నాకు చాలా సంతోషంగా ఉంది. అయితే అందరి నుంచి అందే ఫీడ్ బ్యాక్తో నా కళను ఇంకా మెరుగుపరుచుకుంటాను."
-మిట్టూ మెహ్రా, పెయింటర్
ప్రతి వ్యక్తిలోనూ ప్రతిభ ఉంటుంది. కానీ దాన్ని గుర్తించి, మెరుగుపరుచుకుంటే ఉన్నత శిఖరాలను చేరుకోవచ్చు. అందుకు ఉదాహరణ మిట్టూ మెహ్రా అని చెప్పవచ్చు.
ఇదీ చూడండి:కళాకారుడి సందేశం- చెట్టు కాండంపై మోదీ చిత్రం