వివాదాస్పద అయోధ్య రామజన్మభూమి-బాబ్రీ మసీదు ప్రాంగణంలోకి 1934 నుంచి ముస్లింల ప్రవేశానికి అనుమతి లేదని హిందూ సంస్థ నిర్మోహి అఖాడా ఉద్ఘాటించింది. సుప్రీంకోర్టులో అయోధ్య కేసు విచారణలో భాగంగా నిర్మోహి అఖాడా తరఫు న్యాయవాది సుశీల్ జైన్ వాదనలు వినిపించారు.
"మాది గుర్తింపు పొందిన సంస్థ. మేం వాదించేది ఊరేగింపు, ఆలయ నిర్వహణ హక్కుల గురించి మాత్రమే. వందల ఏళ్లుగా ఊరేగింపు నిర్వహిస్తున్నాం. రామ జన్మస్థలం లోపలి ప్రాంగణం నిర్మోహి అఖాడా అధీనంలోనే ఉండేది. లోపలి ప్రాంగణంలోకి హిందువులు వచ్చి పూజలు చేసేవారు. 1934 తర్వాత ముస్లింలకు లోపలికి అనుమతి ఉండేది కాదు. అలహాబాద్ తీర్పు కూడా ఇదే విషయాన్ని స్పష్టం చేస్తుంది. వివాదం ఉన్న స్థలమంతా నిర్మోహి అఖాడా సంస్థదే."
-సుశీల్ జైన్, నిర్మోహి అఖాడా తరఫు న్యాయవాది
అయోధ్య కేసులో మధ్యవర్తిత్వం విఫలమయిందని ప్రకటించిన సుప్రీంకోర్టు... నేటి నుంచి రోజువారీ విచారణ చేపట్టింది. భారత ప్రధాన న్యాయమూర్తి జస్టిస్ రంజన్ గొగొయి నేతృత్వంలోని ఐదుగురు సభ్యుల ధర్మాసనం కేసును పరిశీలిస్తోంది.
ధావన్పై సీజేఐ ఆగ్రహం