కాలేయ సమస్యలతో లయన్​ సిద్ధార్థ్​ మృతి

రాజస్థాన్​లోని నహర్​గఢ్​ బయోలాజికల్ పార్కులో ఎనిమిదేళ్ల సింహం మరణించింది. కాలేయ, మూత్రపిండాల సమస్యతోనే ఇది మరణించినట్లు అధికారులు తెలిపారు. పద్ధతి ప్రకారం, దానికి పోస్టుమార్టం నిర్వహించి, అనంతరం దహన సంస్కారాలు పూర్తి చేశారు.

రాజస్థాన్​ జైపుర్​లోని నహర్​గఢ్​ బయోలాజికల్ పార్కులో సిద్ధార్థ్ అనే 8 సంవత్సరాల సింహం కాలేయ సంబంధ వ్యాధితో మరణించింది.​ పోస్టుమార్టం అయిన తరువాత ఆ సింహానికి పద్ధతి ప్రకారం దహన సంస్కారాలు నిర్వహించినట్లు పార్క్ అధికారులు తెలిపారు.

మృతి చెందిన మృగరాజు

"జూన్ 6 నుంచి సిద్ధార్థ్​ (సింహం) ఏమీ తినడం లేదు. తాగడం లేదు. దీనితో దాని ఆరోగ్యం బాగా క్షీణించింది. సింహం రక్త నమూనాలను సేకరించి, పరీక్షల కోసం బరేలీలోని ఐవీఆర్​ఐకు పంపించాం. దానికి కాలేయ, మూత్రపిండాల (కిడ్నీ) సమస్యలు ఉన్నట్లు వైద్యులు గుర్తించారు. సింహాన్ని రక్షించేందుకు శతవిధాలా ప్రయత్నించినా ఫలితం లేకపోయింది."

- బయోలాజికల్ పార్కుకు చెందిన ఓ అధికారి

2016లో నహర్​గఢ్ బయోలాజికల్​ పార్కును ప్రారంభించారు. దీనితో జునాగఢ్ పార్కు నుంచి సిద్ధార్థ్​ అనే సింహాన్ని నహర్​గఢ్ పార్కుకు తీసుకొచ్చారు. అప్పటి నుంచి ఈ మృగరాజు పార్కుకే ప్రత్యేక ఆకర్షణగా నిలిచింది.

లయన్ సిద్ధార్థ్​

నహర్​గఢ్ బయోలాజికల్ పార్క్

ఇదీ చూడండి:'భాజపా ఒక్కో ఎమ్మెల్యేకు రూ.25 కోట్లు ఎరవేస్తోంది'