పసిబిడ్డ పదేపదే ఏడుస్తోందని గొంతుకోసేశాడు!

అతడు ఎప్పటిలాగే తాగి ఇంటికి వచ్చాడు. అదే సమయానికి ఏడాది వయస్సున్న కుమార్తె ఏడవడం మొదలు పెట్టింది. కోపంతో ఊగిపోయిన ఆ తండ్రి... పసిబిడ్డను దారుణంగా హత్యచేశాడు.

తాగిన మైకంలో కన్న కుమార్తె ఏడుపు అతడికి కర్ణకఠోరంగా అనిపించింది. అంతే... పసికందును నిర్దాక్షిణ్యంగా గొంతు కోసి చంపేశాడు. మహారాష్ట్ర లాతూర్​​ జిల్లాలోని నలింగలో జరిగిందీ దారుణం.

ఇదీ జరిగింది

శివాజీ లాలే హోటల్​ నడుపుతున్నాడు. కొద్ది సంవత్సరాలుగా మద్యానికి బానిసైపోయాడు. ఆ మత్తులో శనివారం అతడు ఇంటికి వచ్చే సమయానికి ఏడాది వయస్సున్న కుమార్తె ఏడుపు మొదలు పెట్టింది. కోపంతో పసికందును హతమార్చాడు శివాజీ.

శివాజీపై అతని భార్య ఇచ్చిన ఫిర్యాదు మేరకు పోలీసులు వివిధ సెక్షన్ల కింద కేసు నమోదు చేశారు.