21:19 October 17
కేంద్ర మంత్రి రవిశంకర్ ప్రసాద్.. హెలికాప్టర్ ప్రమాదం నుంచి త్రుటిలో తప్పించుకున్నారు. బిహార్‌లో ఎన్నికల ప్రచారంలో పాల్గొన్న ఆయన పట్నా విమానాశ్రయంలో తిరుగు పయనమవుతుండగా ఈ ప్రమాదం చోటుచేసుకుంది. హెలికాప్టర్ రెక్కలు సమీపంలో విమానాశ్రయ వైరింగ్‌లను తాకడం వల్ల విరిగిపోయాయి. దీంతో హెలికాప్టర్ ప్రమాదానికి గురైంది.
ఈ ప్రమాదం నుంచి కేంద్ర మంత్రి సురక్షితంగా బయటపడ్డారు. ఆ సమయంలో ఆయనతో పాటు బిహార్ ఆరోగ్య మంత్రి మంగల్‌పాండే, జలవనరుల మంత్రి సంజయ్‌జా ఉన్నారు.
19:56 October 17
కేంద్ర మంత్రి రవిశంకర్ హెలికాప్టర్కు ప్రమాదం
కేంద్ర న్యాయశాఖ మంత్రి రవిశంకర్ ప్రసాద్ హెలికాప్టర్.. బిహార్ పట్నాలో ప్రమాదానికి గురైంది. కరెంట్ తీగకు తగలడం వల్ల హెలికాప్టర్ రోటర్ బ్లేడ్ దెబ్బతిందని... ఫలితంగా ఈ ఘటన జరిగినట్లు సమాచారం. హెలికాప్టర్ నుంచి ఆయన దిగిన తర్వాత ఈ ప్రమాదం జరిగినట్లు రవిశంకర్ అనంతరం వెల్లడించారు.
బిహార్ జంజార్పుర్లో ఎన్నికల ప్రచారంలో పాల్గొనడానికి రవిశంకర్ వెళ్లారు. ఈ ఘటనలో ఎవరికి ఎలాంటి ప్రమాదం కలగలేదని తెలుస్తోంది.