అభినందన్‌కు అవార్డు

అశేష జనభారతం అభిమానాన్ని సంపాదించుకున్నారు వింగ్​ కమాండర్​ అభినందన్‌ వర్ధమాన్​. ఆయన్ను విశిష్ట పురస్కారంతో గౌరవించనున్నట్లు ప్రకటించింది అఖిల భారతీయ దిగంబర జైన్​ మహాసమితి.

భారత వైమానిక దళ వింగ్​ కమాండర్​ అభినందన్​కు భగవాన్​ మహవీర్​ అహింస పురస్కారం దక్కింది. ఈ పురస్కారం అందుకోనున్న మొదటి వ్యక్తి ఆయనే​ కావడం విశేషం. అఖిల భారతీయ దిగంబర జైన్​ మహాసమితి ఈ అవార్డు ఇవ్వనుంది.

దిల్లీలో జరిగిన ఓ కార్యక్రమంలో సంస్థ ఛైర్​పర్సన్​ మహీంద్రా జైన్​ అధికారిక ప్రకటన చేశారు. జ్ఞాపిక, రూ.2.51 లక్షల నగదు, ప్రశంస పత్రంతో కూడిన పురస్కారాన్ని ఏప్రిల్​ 17న అందజేస్తామని చెప్పారు.