కాంగ్రెస్, ఆమ్ ఆద్మీ పార్టీల పొత్తు చర్చలు విఫలమయ్యాయి. ఫలితంగా రెండు పార్టీలు ఎన్నికల్లో ఒంటరిగానే పోటీ చేయనున్నాయి. దిల్లీతో పాటు మిగతా ప్రాంతాల్లోనూ పొత్తుపై చర్చించాలని ఆప్ ప్రతిపాదించగా ప్రస్తుత పరిస్థితుల దృష్ట్యా తిరస్కరించామని కాంగ్రెస్ నేత పీసీ చాకో తెలిపారు.
పీసీ చాకో, కాంగ్రెస్ నేత
" దేశమంతా కాంగ్రెస్ విధానమొక్కటే. మహాకూటమిని ఏర్పరచి భాజపాను ఓడించాలి. ఇందుకోసం ఆమ్ ఆద్మీతో చర్చించాము. అయితే దిల్లీలో చేసినట్టే ఇతర ప్రాంతాల్లోనూ పొత్తు ఉండాలని ఆప్ అంటోంది. ఇతర రాష్ట్రాల్లో ఆప్తో పొత్తు పెట్టుకునేందుకు రాజకీయ పరిస్థితులు అనుకూలంగా లేవు. ఈ స్థితిలో కలిసి పోటీ చేయటం కుదరలేదు. ఒంటరిగానే పోటీ చేస్తున్నాం."
- పీసీ చాకో, కాంగ్రెస్ నేత