సుప్రీంలో కలకలం- అనుమానిత బ్యాగ్​ నుంచి 'బీప్'​ శబ్దం

సుప్రీంకోర్టులో ఓ అనుమానిత బ్యాగు కనిపించడం కలకలం రేపింది. అప్రమత్తమైన భద్రతా సిబ్బంది... విస్తృత తనిఖీలు చేపట్టారు. చివరకు బ్యాగులో ఏముందో చూసి, ఊపిరి పీల్చుకున్నారు.

సుప్రీంకోర్టులో కలకలం రేగింది. న్యాయస్థానం ప్రాంగణంలో ఓ అనుమానిత బ్యాగు కనిపించింది. అందులో నుంచి 'బీప్​ బీప్'​ అంటూ శబ్దాలు రాగా... చుట్టుపక్కలున్న వారు తీవ్ర ఆందోళనకు గురయ్యారు. సమాచారం అందుకున్న భద్రతా సిబ్బంది వెంటనే రంగంలోకి దిగారు. బ్యాగులో ఏముందో తెలుసుకునేందుకు విస్తృత తనిఖీలు చేపట్టారు.

పోలీసులు ధైర్యం చేసి బ్యాగును తెరిచి చూశారు. అందులో ఓ పవర్ బ్యాంక్ మాత్రమే ఉందని గుర్తించి, ఊపిరి పీల్చుకున్నారు.

బ్యాగును జప్తుచేసి తిలక్​నగర్​ పోలీస్​ స్టేషన్​లో అప్పగించారు. ఎవరో ఆ బ్యాగును మర్చిపోయి వెళ్లుంటారని చెప్పారు.