లాక్డౌన్ పరిణామాలు పేదలను, రోజూ కూలీలను మరింత కుదిపేస్తున్నాయి. రెక్కాడితేగాని డొక్కాడని వారి జీవితాలకు పిల్లల చదువు మరో సవాలుగా మారింది. దీంతో, కర్ణాటకకు చెందిన ఓ మహిళ పిల్లల చదువు ఆగకూడదని మంగళసూత్రం తాకట్టు పెట్టి, స్మార్ట్ టీవీ కొనుగోలు చేసింది.
'అమ్మ తాళి తాకట్టు పెట్టి, మా కోసం టీవీ కొనేసింది!' గదగ్ జిల్లా, నరగుండా తాలూకా రాడర్ నాగనూరు గ్రామానికి చెందిన సావిత్రి, ఆమె భర్త రోజూ కూలీ చేసుకుని జీవనం సాగించేవారు. కానీ, లాక్డౌన్ నుంచి వారికి ఉపాధి కరువైంది. రోజు గడవడమే కష్టంగా మారింది. వారి పిల్లలు అభిషేక్, సురేఖలు వరుసగా 7, 8 తరగతులు చదువుతున్నారు. రాష్ట్ర ప్రభుత్వం డీడీ చందన ఛానెల్లో ఆన్లైన్ తరగతులను ప్రసారం చేయిస్తోంది. కానీ, సావిత్రి ఇంట్లో స్మార్ట్ టీవీ లేదు. దీంతో అందరి పిల్లల్లా తమ బిడ్డలు చదువుకోలేకపోతున్నారని బాధపడింది.
'అమ్మ తాళి తాకట్టు పెట్టి, మా కోసం టీవీ కొనేసింది!' అప్పు చేసైనా స్మార్ట్ టీవీ కొనాలని నిర్ణయించుకుంది సావిత్రి. కానీ, అప్పు ముట్టలేదు. ఆఖరికి పిల్లలు చదువుతున్న స్కూలు టీచర్లను సాయం కోరింది.. వారి నుంచీ ఎలాంటి సహకారం అందలేదు. దీంతో తన మెడలోని తాళిని కుదవపెట్టాలని నిర్ణయించుకుంది. మంగళసూత్రాన్ని తాకట్టు పెట్టగా రూ. 20 వేలు వచ్చాయి. రూ.14000 పెట్టి ఓ స్మార్ట్ టీవీ కొనేసింది. బిడ్డలకు మంచి భవిష్యత్తునివ్వడం కంటే తనకేదీ ఎక్కువ కాదని, అందుకే స్తోమతకు మించి టీవీ కొనుగోలు చేశానంటోంది సావిత్రి.
'అమ్మ తాళి తాకట్టు పెట్టి, మా కోసం టీవీ కొనేసింది!' 'అమ్మ తాళి తాకట్టు పెట్టి, మా కోసం టీవీ కొనేసింది!' 'అమ్మ తాళి తాకట్టు పెట్టి, మా కోసం టీవీ కొనేసింది!' ఇదీ చదవండి:ప్రధాని మోదీకి రాఖీ పంపిన పాక్ సోదరి
