ఆమె పాదాలతో గీసిన చిత్రాలకు విదేశీయులు ఫిదా

మనసులో దృఢ సంకల్పం ఉండి దానికి  శ్రమ తోడైతే ఏదైనా సాధించవచ్చని నిరూపించింది ఉత్తరాఖండ్​కు చెందిన అంజనా మాలిక్​. పుట్టుకతోనే రెండు చేతులు లేకపోయినా మొక్కవోని దీక్షతో అద్భుతమైన కాన్వాస్​ చిత్రాలను పాదాలతో గీస్తూ తన ప్రతిభను చాటుతోంది. విదేశీయులు ఆమె గీసిన చిత్రాలకు ఫిదా అయిపోయి వేల రూపాయలు చెల్లించి కొనుగోలు చేస్తున్నారు.

సంకల్పం ఉంటే వైకల్యం అడ్డురాదని నిరూపించింది ఉత్తరాఖండ్​​కు చెందిన అంజనా మాలిక్​ అనే దివ్యాంగురాలు. రెండు చేతులు లేకపోయినా.. పాదాలతో అద్భుతమైన కాన్వాస్​​ చిత్రాలను గీస్తూ స్ఫూర్తినిస్తోంది. ఆమె గీసిన చిత్రాలకు వీదేశీ అభిమానులున్నారు.

యాచిస్తూ జీవనం

అంజనా మాలిక్​కు​ పుట్టుకతోనే రెండు చేతులు లేవు. రిషికేష్​లోని రామ్​జుల్లా వంతెన వద్ద యాచిస్తూ వచ్చిన కాస్త సంపాదనతో కుటుంబాన్ని పోషిస్తూ జీవనం సాగించేది.

విధికి ఎదురీది... గళ్లీలో చిత్రకళాకారునిగా అదరగొడుతుంది

వీదేశీ మహిళ సూచనతో

ఓ రోజు అంజనా యాచిస్తుండగా... అక్కడికి సందర్శనకు వచ్చిన ఓ అమెరికన్​ మహిళ కంట్లో పడింది. అంజనా తన కాళ్లతో ఏదో రాస్తోంది. అది చూసిన ఆ విదేశీ మహిళ ఆశ్చర్యానికి గురైంది. పాదాలతో బాగా రాయగల్గుతున్నావ్​ కదా.. అలాగే చిత్రాలనూ ​ గీయొచ్చుగా అని సలహా ఇచ్చింది. ఓ సారి ప్రయత్నించి చూడు అని చెప్పింది. కాన్వాస్​​ చిత్రాలు గీయటానికి కావాల్సిన రంగులు, ఇతర సామాగ్రిని తెచ్చి ఇచ్చింది. ఆ రోజు పెయింట్ బ్రష్​ పట్టిన అంజనా.... ప్రతిరోజు మొక్కవోని దీక్షతో సాధన చేసింది. ఎన్నో అద్భుతమైన కాన్వాస్​ చిత్రాలను గీస్తూ అందరి మన్ననలు పొందుతోంది.

ఉత్తరాఖండ్​ హరిద్వార్​ సందర్శనకు వచ్చిన మన భారతీయులతో పాటు విదేశీయులంతా ఆమె కాన్వాస్​ పెయింట్స్​కు మంత్ర ముగ్ధులైపోతున్నారు. ఒక్కో చిత్రాన్ని రూ.5 నుంచి 7 వేలకు కొనుగోలు చేస్తున్నారు.

ఇదీ చూడండి : మరో ప్రయోగానికి ఇస్రో సిద్ధం.. డిసెంబరు 11న ముహూర్తం