నడిరోడ్డు మీద పోలీసుపై దుండగుల దాడి

తమిళనాడు చెన్నైలో ఓ పోలీసుపై నలుగురు దుండగులు దాడి చేసి గాయపరిచారు. అప్రమత్తమైన పోలీసులు వారిని అదుపులోకి తీసుకున్నారు.

విధుల్లో ఉన్న ఓ పోలీసుపై నలుగురు దుండగులు దాడిచేసిన ఘటన తమిళనాడులోని చెన్నై​లో జరిగింది. ఈ ఘటన స్థానికంగా సంచలనం సృష్టించింది. అప్రమత్తమైన పోలీసులు నిందితులను అదుపులోకి తీసుకున్నారు.

పాండిబజార్​లో కార్తికేయన్ అనే పోలీసు రాత్రిపూట విధులు నిర్వహిస్తున్నారు. అదే సమయంలో నలుగురు వ్యక్తులు ఓ ట్రాన్స్​జెండర్​తో మాట్లాడుతున్నారు. అది గమనించిన కార్తికేయన్​ అక్కడి నుంచి వెళ్లిపోవాలని వారికి సూచించారు. మద్యం తాగిన ఆ నలుగురు.. తాము న్యాయవాదులమంటూ పోలీసుపై ఒక్కసారిగా దాడిచేశారు.

కార్తికేయన్​ వద్ద ఉన్న లాఠీ తీసుకుని అతనినే కొట్టారు. వాకీ-టాకీని విరగ్గొట్టారు. ఈ దృశ్యాలు సీసీ కెమెరాల్లో రికార్డయ్యాయి. విషయం తెలుసుకున్న పోలీసులు దుండగులను అదుపులోకి తీసుకున్నారు. విచారణలో ఈ నిందితులు రోయపురానికి చెందినవారని తెలిసింది.

ఇదీ చూడండి: టిక్​టాక్​ కోసం ప్రాణం తీసుకున్నాడు