అత్యంత కలుషిత నగరాల్లో 21 భారత్​లోనే!

ప్రపంచంలో అత్యంత కలుషితమైన 30 నగరాల్లో 21 భారత్​లోనే ఉన్నాయని తాజాగా ఓ నివేదిక వెల్లడించింది. కాలుష్య రాజధానుల్లో దిల్లీ అగ్రస్థానంలో ఉంది.

ప్రపంచంలో 2019 నాటికి అత్యంత కలుషితమైన మొదటి 30 నగరాల్లో 21 భారత్​లోనే ఉన్నాయి. ఇందులో దిల్లీ ఐదో స్థానంలో ఉంది. అత్యంత కలుషితమైన రాజధానుల జాబితాలో మాత్రం దిల్లీ అగ్రస్థానంలో నిలిచింది.

2019- ప్రపంచ వాయు నాణ్యత నివేదిక ప్రకారం ఘజియాబాద్​ ప్రపంచంలో అత్యంత కలుషిత నగరంగా నిలిచింది. తర్వాతి స్థానాల్లో చైనాలోని హోటన్, పాకిస్థాన్​లోని గుజ్రాన్​వాలా, ఫైసలాబాద్, ఐదో స్థానంలో దిల్లీ ఉన్నాయి.

ఆ 21 ఇవే..

ప్రపంచంలోని 30 కాలుష్య నగరాల్లో 21 భారత్​లోనే ఉన్నాయి.

ఘజియాబాద్

దిల్లీ

నోయిడా

గురుగ్రామ్

గ్రేటర్ నోయిడా

బాంధ్వరి

లఖ్​నవూ

బులంద్​షహర్

ముజఫర్​నగర్

బాఘ్​పట్

జింద్

ఫరీదాబాద్

కోరాట్

భివాడి

పట్నా

పాల్వాల్

ముజఫర్‌పుర్

హిసార్

కుటైల్

జోధ్‌పుర్​

మొరాదాబాద్

ప్రపంచంలో ఇలా..

కాలుష్యం ఎక్కువగా ఉన్న దేశాల జాబితాలో బంగ్లాదేశ్ మొదటి స్థానంలో ఉండగా, తర్వాతి స్థానాల్లో పాకిస్థాన్, మంగోలియా, అఫ్ఘానిస్థాన్, ఐదో స్థానంలో భారత్​ ఉన్నాయి.

గతేడాది కంటే భారత్​ కాస్త మెరుగుపడిందని ఈ నివేదిక వెల్లడించింది. 2018 నుంచి 19 నాటికి 20 శాతం వాయు కాలుష్యం తగ్గిందని తెలిపింది. 98 శాతం నగరాలు మెరుగుపడ్డాయని వెల్లడించింది. ​

ఇదీ చదవండి:కశ్మీర్​, సీఏఏ సంగతి మోదీ చూసుకోగలరు: ట్రంప్​