జమ్ముకశ్మీర్ ఎన్​కౌంటర్​లో ఇద్దరు ముష్కరులు హతం

జమ్ముకశ్మీర్​ బారాముల్లాలో జరిగిన ఎన్​కౌంటర్​లో ఇద్దరు ఉగ్రవాదులను భద్రతాదళాలు హతమార్చాయి. ఎదురుకాల్పులు ఇంకా కొనసాగుతూనే ఉన్నాయి.

జమ్ముకశ్మీర్​ బారాముల్లాలో జరిగిన ఎదురుకాల్పుల్లో ఇద్దరు ఉగ్రవాదులను భద్రతా దళాలు మట్టుబెట్టాయి. ఎన్​కౌంటర్​ సమయంలో ముగ్గురు జవాన్లకు గాయాలయ్యాయి.

బారాముల్లా జిల్లా నబల్నార్​ సమీపంలోని కలాంత్రలో ఉగ్రవాదులు ఉన్నట్లు సమాచారం అందుకున్న భద్రతాదళాలు తనిఖీలు చేపట్టాయి. ముష్కరులు ఒక్కసారిగా కాల్పులకు తెగబడ్డారు. దీటుగా స్పందించిన భద్రతా దళాలు ఇద్దరు ఉగ్రవాదులను హతమార్చాయి. ఎదురుకాల్పుల్లో గాయపడిన ఇద్దరు సైనికులు, ఓ అధికారిని బదామీభాగ్​ కంటోన్మెంట్ సైనిక ఆసుపత్రికి తరలించారు. ఇంకా కాల్పులు కొనసాగుతున్నాయి.