బంగాల్లో కొనసాగుతున్న అల్లర్లు... ఇద్దరు మృతి
బంగాల్లో భాజపా, తృణమూల్ కాంగ్రెస్ శ్రేణుల మధ్య ఘర్షణలు కొనసాగుతున్నాయి. తాజాగా చెలరేగిన అల్లర్లలో ఇద్దరు వ్యక్తులు మృతిచెందారు. 11 మంది తీవ్రంగా గాయపడ్డారు.
ఉత్తర 24 పరగణాల జిల్లా భట్‌పరా ప్రాంతంలో ఇరు వర్గాలకు చెందిన వ్యక్తులు తుపాకులు, నాటు బాంబులతో పరస్పరం దాడి చేసుకున్నారు. ఈ ఘటనలో పానీపూరీ విక్రయించే రాంబాబు షా అక్కడికక్కడే మృతిచెందగా.. ధరమ్వీర్ అనే మరో వ్యక్తి ఆసుపత్రిలో చికిత్స పొందుతూ మరణించాడు. గాయపడిన మరో ముగ్గురి పరిస్థితి విషమంగా ఉన్నట్లు వైద్యులు తెలిపారు.
అల్లర్లు జరిగిన ప్రాంతంలో 144 సెక్షన్ విధించారు.