భజరంగ్​దళ్ కార్యకర్త హత్య- 144 సెక్షన్ విధింపు

Bhajarang dal Activist Killed: 24 ఏళ్ల భజరంగ్​ దళ్​ కార్యకర్తను కొందరు దుండగులు దారుణంగా హత్య చేశారు. కర్ణాటక శివమొగ్గలో ఆదివారం రాత్రి ఈ ఘటన జరిగింది. నిందితులను కఠినంగా శిక్షించాలని పలు హిందూ సంస్థలు నిరసనకు దిగాయి. వాహనాలకు నిప్పంటించి హింసాత్మక ఘటనలకు పాల్పడ్డాయి.

Bhajaranga dal Activist Murder: కర్ణాటక శివమొగ్గలోని సీగెహట్టిలో భజరంగ్​దళ్​ దళ్​ కార్యకర్త దారుణ హత్యకు గురయ్యాడు. కొందరు యువకుల సమూహం ఇతనిపై మారణాయుధాలతో దాడి చేసి క్రూరంగా చంపినట్లు తెలుస్తోంది. మృతుడ్ని 24 ఏళ్ల హర్షగా పోలీసులు గుర్తించారు. అతడు వృత్తిరీత్యా టైలర్ అని, భజరంగ్ కార్యకర్తగా కూడా ఉన్నాడని వెల్లడించారు.

హత్యకు గురైన భజరంగ్​దళ్ కార్యకర్త

ఆదివారం రాత్రి హర్ష హత్య అనంతరం శివమొగ్గలో ఉద్రిక్త వాతావరణం నెలకొంది. పలు హిందూ సంస్థలు హర్ష మరణించిన ఆస్పత్రి వద్ద నిరసనకు దిగాయి. నిందితులపై కఠిన చర్యలు తీసుకోవాలని డిమాండ్ చేశాయి. నిరసనల్లో భాగంగా పలువురు హింసాత్మక చర్యలకు పాల్పడ్డారు. వాహనాలకు నిప్పంటించి తగులబెట్టారు. అగ్నిమాపక సిబ్బంది రంగంలోకి దిగి మంటలను అదుపు చేశారు.

హత్యకు గురైన భజరంగ్​దళ్ కార్యకర్త

హింసాత్మక ఘటనల నేపథ్యంలో శివమొగ్గలో భారీగా పోలీసు బలగాలను మోహరించారు అధికారులు. జిల్లాలో 144 సెక్షన్ విధించారు. 1నుంచి12వ తరగతి వరకు తరగతులను మూసివేశారు.

సీఎం స్పందన..

హర్ష హత్యపై కర్ణాటక సీఎం బసవరాజు బొమ్మై స్పందించారు. ఆదివారం రాత్రి జరిగిన ఈ ఘటనకు సంబంధించి పోలీసులు కీలక సమాచారాన్ని సేకరించినట్లు చెప్పారు.

'ఉరి తీయాలి'

ఈ ఘటనను కాంగ్రెస్ సీనియర్​ నేత సిద్ధరామయ్య తీవ్రంగా ఖండించారు. సీఎం, హోంమంత్రి సొంత జిల్లాలో ఇలా జరగడం ఆందోళనకరమన్నారు. నిందుతుడ్ని ఉరి తీయాలని, రాష్ట్ర హోంమంత్రి రాజీనామా చేయాలని డిమాండ్ చేశారు.

ఇదీ చదవండి:బాల్కనీలో 8ఏళ్ల చిన్నారి.. హఠాత్తుగా కిందపడి..