అయోధ్య విమానాశ్రయానికి శ్రీరాముడి పేరు

అయోధ్యలో నిర్మాణంలో ఉన్న విమానాశ్రయానికి శ్రీరాముడి పేరు పెట్టాలని యోగి సర్కారు నిర్ణయించింది. విమానాశ్రయానికి మర్యాద పురుషోత్తం శ్రీరామ ఎయిర్​పోర్టుగా నామకరణం చేయనున్నట్లు తెలిపింది.

ఉత్తర్​ప్రదేశ్​ అయోధ్యలో అత్యాధునిక హంగులతో సిద్ధం అవుతోన్న విమానాశ్రయానికి రాముడి పేరు పెట్టనున్నారు. పూర్తిస్థాయిలో అందుబాటులోకి వచ్చిన తరువాత 'మర్యాద పురుషోత్తమ శ్రీరామ ఎయిర్​పోర్ట్​'గా నామకరణం చేయనున్నట్లు ఉత్తర్​ప్రదేశ్​ ప్రభుత్వం వెల్లడించింది. విమానాశ్రయ నిర్మాణ వ్యయానికి సంబంధించి రూ. 101 కోట్లను ఖర్చు చేయనున్నట్లు యోగి ప్రభుత్వం ప్రకటించింది. ఈ ప్రతిపాదనలను యూపీ ఆర్థికశాఖ మంత్రి సురేశ్​ ఖన్నా అసెంబ్లీలో సోమవారం చదివి వినిపించారు.

అయోధ్య విమానాశ్రయాన్ని ఇంటర్నేషనల్​ ఎయిర్​పోర్టుగా మార్చడంతో పాటు.. నోయిడాలోని జేవార్​ విమానాశ్రయం నుంచి ఎయిర్‌స్ట్రిప్​ల సంఖ్యను పెంచేందుకు మరో రూ.2,000 కోట్లు ఖర్చు చేయనున్నట్లు తెలిపారు. అలీగఢ్​, మోరాబాద్​, మీరట్​ ప్రాంతాల నుంచి త్వరలో సర్వీసులను ప్రారంభిస్తున్నట్లు యూపీ సీఎం యోగి ఆదిత్యనాథ్​ పేర్కొన్నారు.