ఉత్తర్ప్రదేశ్లోని ఇటావాలో ట్రక్కు లోయలో పడింది. ఈ ఘటనలో 12 మంది మృతి చెందగా.. 45 మందికి తీవ్రంగా గాయాలయ్యాయి. ఉది-ఛకర్ నగర్ రోడ్ ప్రాంతంలో ఈ దుర్ఘటన జరిగిందని అధికారులు పేర్కొన్నారు. ఘటనా స్థలంలో సహాయక చర్యలు ముమ్మరం చేసినట్లు తెలిపారు.
డ్రైవర్ తప్పిదం వల్లే భక్తులతో ఆగ్రా నుంచి ఇటావా కాళికా దేవి ఆలయానికి వెళ్తున్న ట్రక్కు లోయలో పడిందని ఏఎస్పీ ప్రశాంత్ కుమార్ ప్రసాద్ స్పష్టం చేశారు. 30 అడుగుల లోతులో ట్రక్కు పడిందని.. 10 మంది అక్కడికక్కడే మృతిచెందగా ఇద్దరు ఆసుపత్రిలో చికిత్స పొందుతూ మరణించారని తెలిపారు.