Amul Turnover 2023 : అమూల్ ​@ రూ.72వేల కోట్లు.. సూపర్​ టర్నోవర్​తో దేశంలోనే అతిపెద్ద బ్రాండ్​గా..

Amul Turnover 2023 : రూ.72వేల కోట్ల టర్నోవర్​తో అమూల్​.. భారతదేశ అతిపెద్ద ఎఫ్​ఎంసీజీ బ్రాండ్​గా అవతరించింది. ప్రపంచంలోనే ఎనిమిదో అతిపెద్ద డెయిరీ కంపెనీ అయిన అమూల్​.. 2022-23లో రూ.11,000 కోట్లు ఆర్జించింది.

Amul Turnover 2023 :డెయిరీ దిగ్గజ సంస్థ అమూల్​.. దేశంలోనే అతిపెద్ద ఎఫ్​ఎంసీజీ (ఫాస్ట్​ మూవింగ్​ కన్జ్యూమర్​ గూడ్స్) బ్రాండ్​గా అవతరించింది. రూ.72వేల కోట్ల రికార్డు టర్నోవర్​ను​ సాధించి ఈ ఘనతను తన ఖాతాలో వేసుకుంది. ప్రపంచంలోనే ఎనిమిదో అతిపెద్ద డెయిరీ కంపెనీ అయిన అమూల్​.. 2022-23లో రూ.11,000 కోట్లు ఆర్జించింది.

గుజరాత్ కో-ఆపరేటివ్ మిల్క్ మార్కెటింగ్ ఫెడరేషన్ లిమిటెడ్ (GCMMF) యాజమాన్యంలోని అమూల్.. 49వ AGM(వార్షిక సర్వసభ్య సమావేశం).. శనివారం గుజరాత్​లో జరిగింది. అమూల్ మార్కెటింగ్ బాడీ.. ఈ ఏడాది స్వర్ణోత్సవ వేడుకలను జరుపుకుంటోంది. 1973లో కేవలం ఆరుగురు సభ్యులు.. రూ.121 కోట్ల టర్నోవర్‌తో ప్రారంభమైన GCMMF ప్రస్తుతం రాష్ట్రంలో 18 సభ్య సంఘాలను కలిగి ఉంది. మూడు కోట్ల లీటర్ల పాలను సేకరిస్తోంది.

'మూడేళ్లలో రూ.లక్ష కోట్ల టర్నోవర్​!'
GCMMF Turnover : జీసీఎంఎంఎఫ్​ అధ్యక్షుడు శమల్​భాయ్​ పటేల్​.. 2022-23లో తమ సంస్థ 18.5 శాతం వృద్ధి సాధించిందని తెలిపారు. "గత 50 సంవత్సరాలుగా పాడి పరిశ్రమ, రైతులు, వినియోగదారుల మధ్య వారధిగా ఉండాలనే సూత్రాన్ని పాటించి మేం విజయం సాధించాం. త్రిభువన్​దాస్ పటేల్, మోతీభాయ్ చౌదరి, గల్బాభాయ్ పటేల్, భురాభాయ్ పటేల్, జగ్జీవన్​దాస్ పటేల్, జస్వంత్‌లాల్‌ల స్ఫూర్తితో సంస్థ స్థాపించాం. వచ్చే రెండు మూడు సంవత్సరాల్లో రూ.లక్ష కోట్ల టర్నోవర్ సాధించాలని మేం లక్ష్యంగా పెట్టుకున్నాం" అని శమల్​భాయ్ పటేల్ తెలిపారు.

'కీలక విభాగాల్లో అనేక విజయాలు'
Amul Turnover India : 2022-23 ఆర్థిక సంవత్సరంలో జీసీఎంఎంఎఫ్​ చాలా కీలకమైన విభాగాల్లో పలు విజయాలు సాధించదని సంస్థ మేనేజింగ్​ డైరెక్టర్​ జయేన్​ మెహతా తెలిపారు. "అమూల్ మిల్క్​ ప్రొడక్ట్స్​ అమ్మకాల్లో 34 శాతం వృద్ధి ఉంది. ఐస్‌క్రీమ్‌ల విక్రయంలో 40 శాతం, వెన్నలో 19 శాతం, నెయ్యిలో 9 శాతం, అమూల్ లాంగ్‌లైఫ్ మిల్క్​లో 20 శాతం, పెరుగులో 40 శాతం, మజ్జిగ విక్రయాల్లో 16 శాతం వృద్ధి నమోదైంది. మా అతిపెద్ద ఉత్పత్తి అయిన అమూల్ ఫ్రెష్ మిల్క్ 20 శాతం వృద్ధిని నమోదు చేసింది" అంటూ అమూల్​ వృద్ధి శాతాలను వివరించారు.

'దేశంలోని ప్రతి గ్రామానికి..'
దేశంలో పెరుగుతున్న జనాభాతో పాటు తలసరి ఆదాయంలో పెరుగుదల వల్ల రాబోయే సంవత్సరాల్లో జీసీఎంఎంఫ్​ వృద్ధికి మరింత ఊతం లభిస్తుందని సంస్థ వైస్​ ప్రెసిడెంట్​ వాలంజీ హోంబల్ ఆశాభావం వ్యక్తం చేశారు. "దేశంలోని ప్రతి నగరం, పట్టణం, గ్రామంలో మా ఉనికిని చాటేందుకు మేం వ్యూహాత్మక ప్రయత్నాలు చేస్తున్నాము. ప్రపంచ డెయిరీ మార్కెట్‌లో గణనీయమైన వృద్ధికి అవకాశం కూడా ఉంది" అంటూ హోంబల్ చెప్పుకొచ్చారు.