ఉత్తర్ ప్రదేశ్కు చెందిన ఓ యువ డాక్టర్ అమెరికాలో నానా ఇబ్బందులు పడుతున్నాడు. అతడి బ్యాంక్ అకౌంట్లో వేల రుపాయలు ఉన్నా సరే.. క్రెడిట్ కార్డు పనిచేయకపోవడం వల్ల ఆకలి, దాహంతో ఉండాల్సిన పరిస్థితి నెలకొందని ఆయన తండ్రి షాహ్గంజ్ జిల్లాకు చెందిన డాక్టర్ సునీల్ శర్మ తెలిపారు. సంబంధిత బ్యాంకుకు వెళ్లినా సమస్య పరిష్కారం కాలేదని ఆయన తన ఆవేదన వ్యక్తం చేశారు.
అమెరికాలో భారతీయుడి క్రెడిట్ కార్డు బ్లాక్.. పస్తులతో 6 కిలోమీటర్లు నడుస్తున్న డాక్టర్
క్రెడిట్ కార్డు పనిచేయక ఓ భారతీయ యువ డాక్టర్ అమెరికాలో నానా ఇబ్బందులు పడుతున్నాడు. గత 5 రోజులుగా తిండీతిప్పలు లేకుండా అల్లాడిపోతున్నాడు. చదువుకోసం అని రోజుకు దాదాపుగా 6 కిలోమీటర్లు నడవాల్సిన పరిస్థితి ఏర్పడింది. అయితే సంబంధిత బ్యాంకు అధికారులు అసలు ఆ సమస్యను పట్టించుకోవడం లేదని ఆయన తండ్రి తన కుమారుడు పరిస్థితిని వెల్లడిస్తూ ఆవేదన చేశాడు.
డాక్టర్ అక్షిత్ శర్మ
"నా కుమారుడు అక్షత్ శర్మ దిల్లీలో ఎంబీబీఎస్ పూర్తి చేశాడు. అనంతరం రెండు నెలల ట్రైనింగ్ కోసం గత సంవత్సరం డిసెంబర్లో అమెరికాకు వెళ్లాడు. అక్షత్కు షాహ్గంజ్లోని ఓ ప్రైవేట్ బ్యాంక్లో ఇంటర్నేషనల్ క్రెడిట్ కార్డు ఉంది. అక్షత్ జనవరి 8వ తేదీన అమెరికాలోని రిచ్మండ్ నుంచి టంపాకు విమానంలో వెళ్లాల్సి ఉంది. అయితే అక్కడ క్రెడిట్ కార్డు పనిచేయక చాలా ఇబ్బంది పడ్డాడు. అక్కడ వారు నగదును స్వీకరించలేదు. అక్షత్ బాధను అర్ధం చేసుకున్న ఓ భారతీయ కుటుంబ అతడికి సాయం చేసింది. క్రెడిట్ కార్డు పనిచేయక అక్షత్ 5 రోజుల నుంచి ఆకలి, దాహంతో ఉంటున్నాడు. అంతేకాదు చదువు కోసం అని రోజుకు 6 కిలోమీటర్లు నడవాల్సిన పరిస్థితి నెలకొంది. ఫిర్యాదు చేసినా సరే బ్యాంకు అధికారులు వినేందుకు సిద్ధంగా లేరు. దీనిపై బ్యాంక్ మేనేజర్కు కాల్ చేయగా అతను నా కాల్ను కట్ చేస్తున్నారు. దీంతో దేశం కాని దేశంలో నా కుమారుడు కష్టాల్లో ఉన్నాడు".
--డాక్టర్ సునీల్ శర్మ, నవదీప్ హాస్పిటల్ డైరెక్టర్, ఆగ్రా సర్జన్ అసోసియేషన్ ప్రెసిడెంట్