అసెంబ్లీ ఎన్నికలకు ముందు.. పేలుడు పదార్థాల కలకలం

Explosives Seized in UP: అసెంబ్లీ ఎన్నికల ముందు ఉత్తరప్రదేశ్‌లో భారీగా పేలుడు పదార్థాలు పట్టుబడ్డాయి. దీనికి సంబంధించి ముగ్గురు నిందితులను పోలీసులు అరెస్ట్ చేశారు.

Explosives Seized in UP: ఉత్తర్​ప్రదేశ్​లో అసెంబ్లీ ఎన్నికల ముందు పేలుడు పదార్థాలు కలకలం రేపాయి. బందా జిల్లాలోని చిల్లా పోలీసు స్టేషన్​ పరిధిలో 28 కిలోలకుపైగా భారీగా పేలుడు పదార్థాలు బయటపడ్డాయి. దీనికి సంబంధించి ముగ్గురు నిందితులను పోలీసులు అరెస్టు చేశారు.

"గత రాత్రి బందా జిల్లాలోని చిల్లా పోలీస్​ స్టేషన్ పరిధిలో 28 కిలోలకుపైగా పేలుడు పదార్థాలు పట్టుబడ్డాయి. ఈ కేసులో ముగ్గురు నిందితులను అరెస్టు చేశారు" అని డిప్యూటీ సూపరింటెండెంట్ ఆఫ్ పోలీస్ సత్యప్రకాశ్​ శర్మ తెలిపారు.

ఈ ఘటనపై కేసు నమోదు చేసిన పోలీసులు.. దర్యాప్తు చేస్తున్నట్లు తెలిపారు.

UP Elections: ఉత్తర్​ప్రదేశ్​లో ఏడు విడతల్లో శాసనసభ ఎన్నికలు జరగనున్నాయి. ఫిబ్రవరి 10న మొదలై మార్చి 7 వరకు కొనసాగుతాయి. ఫిబ్రవరి- 10, 14, 20, 23, 27 సహా మార్చి- 3,4 తేదీలలో ఎన్నికలు నిర్వహించాలని ఈసీ నిర్ణయించింది.

మార్చి 10న ఎన్నికల ఫలితాలు ప్రకటించనున్నారు.

ఇదీ చూడండి:'సమాజ్​వాదీ'కి ఎదురుదెబ్బ.. భాజపాలోకి ములాయం కోడలు!