ఇటీవల ఐదు రాష్ట్రాల్లో జరిగిన అసెంబ్లీ ఎన్నికల్లో కాంగ్రెస్ ఓటమికి గల కారణాలను విశ్లేషించడానికి పార్టీ అధిష్ఠానం నియమించిన కమిటీ నివేదికను తయారు చేసింది. ఈ మేరకు పార్టీ అధినేత్రి సోనియా గాంధీకి సమర్పించింది. పార్టీని బలోపేతం చేయడానికి పలు సలహాలు, సూచనలను సిఫార్సు చేసింది. కేరళ, అసోం, పుదుచ్చేరిలో పార్టీ పనితీరుకు సంబంధించిన నివేదికను సమర్పించినట్లు కాంగ్రెస్ నాయకుడు అశోక్ చవన్ తెలిపారు. బంగాల్కు సంబంధించిన నివేదికను ఇంకా తయారుచేస్తున్నట్లు చెప్పారు.
సల్మాన్ ఖుర్షిద్, మనీష్ తివారీ, విన్సెంట్ హెచ్ పాల్, జ్యోతి మణిలతో కూడిన బృందానికి చవన్ అధ్యక్షత వహిస్తున్నారు.