ముందు వెళ్తున్న వాహనాన్ని ఢీ కొట్టిన టెంపో - గాయపడిన యాత్రికులు

Road Accident in Tirupati District : తిరుపతి జిల్లా చిల్లకూరు మండలం వరగలి క్రాస్​ వద్ద ఘోర రోడ్డు ప్రమాదం జరిగింది. ఈ ప్రమాదంలో 13 మందికి తీవ్ర గాయాలు అయ్యాయి. వారిలో ఇద్దరి పరిస్థితి విషమంగా ఉంది. ఈ ప్రమాదంలో కొంత మందికి కాళ్లు, చేతులు విరిగాయి. ఏలూరు జిల్లా భీమడోలు నుంచి అరుణాచలం వరకు తీర్థయాత్రకు వెళ్లే సమయంలో ఈ ప్రమాదం జరిగినట్లు క్షతగాత్రుడు తెలిపాడు.

Tempo Hit the Tractor :ముందు వెళ్తున్న వాహనాన్ని ఓవర్​టేక్​​ చేస్తున్న సమయంలో ఎదురుగా వస్తున్న లారీని తప్పించ బోయి ట్రాక్టర్​ను టెంపో వాహనం ఢీకొంది అని క్షతగాత్రుడు తెలియజేశాడు. ఈ ప్రమాదం వల్ల టెంపో ముందు భాగం పూర్తిగా దెబ్బతిన్నది. ముందు వెళ్తున్న ట్రాక్టర్​ పంట పొలాలోకి దూసుకువెళ్లింది. స్థానికులు క్షతగాత్రులను నెల్లూరు ప్రభుత్వ ఆసుపత్రికి తరలించారు. విషయం తెలుసుకున్న పోలీసులు సంఘటన స్థలానికి చేరుకున్నారు. ప్రమాదానికి గల కారణాలను క్షతగాత్రులను అడిగి తెలుసుకున్నారు.