Road Accident At Maddiralapadu Three Dead: ప్రకాశం జిల్లాలో రోడ్డు ప్రమాదం.. ముగ్గురు యువకులు మృతి

Road Accident At Maddiralapadu Three Dead : ప్రకాశం జిల్లా నాగులపాడు మండలం మద్దిరాల పాడు వద్ద జరిగిన ప్రమాదం జరిగింది. ఈ ఘటనలో ముగ్గురు యువకులు మృతి చెందారు. ఒంగోలు నుంచి కొరిశపాడు మండలం పమిడిపాడు ద్విచక్ర వాహనంపై వెళుతున్న ముగ్గురి యువకులు రోడ్డు మీద ఆగి ఉన్న రొయ్యల కంటైనర్​ను ఢీకొన్నారు. ఈ ప్రమాదంలో వారు అక్కడికక్కడే మృతి  (Bike Collided With a Parked Container Three Dead in Prakasam District) చెందారు. రేపు వినాయక చవితి పండుగ సందర్భంగా విగ్రహాలు కొనుక్కునేందుకు ఒంగోలు వెళ్లి తిరిగి వస్తుండగా ఈ దుర్ఘటన చోటు చేసుకుంది. వినాయక విగ్రహాన్ని కొని, ట్రాక్టర్​లో తీసుకువచ్చే ఏర్పాట్లు చేసి వీరు ద్విచక్ర వాహనంపై తిరిగి వస్తున్నారు. మృతి చెందిన వారు బత్తిన అరవింద్, మర్రిబోయిన గోపి, మర్రిబోయిన మణికంఠగా గుర్తించారు. స్థానికులు ద్వారా సమాచారం తెలుసుకున్న ఒంగోలు తాలుకా పోలీసులు సంఘటన స్థలానికి చేరుకున్నారు. అనంతరం కేసు నమోదు చేసి దర్యాప్తు చేస్తున్నారు.