ఆంధ్రా-ఒడిశా సరిహద్దులో మావోయిస్ట్ డంప్ లభ్యం.. ఏం ఉన్నాయంటే..?
Maoist Dump at Andhra Odisha Border: ఆంధ్ర-ఒడిశా సరిహద్దులో మావోయిస్టులకు చెందిన భారీ డంప్ను.. ఒడిశా పోలీసులు స్వాధీనం చేసుకున్నారు. కోరాపుట్ ఎస్పీ అభినవ్ సొంకర్.. సోమవారం నాడు జిల్లా పోలీస్ కేంద్రంలో విలేకరుల సమావేశం ఏర్పాటు చేసి వాటి వివరాలను తెలిపారు. డంప్ని ఏవోబీలో ఒనకడిల్లి సరిహద్దు ప్రాంతంలో.. మావోయిస్టులకు చెందిన డంప్ ఉన్నట్లు సమాచారం వచ్చిందని చెప్పారు. దీంతో గాలింపు చర్యలు చేపట్టి డంప్ స్వాధీనం చేసుకున్నామని తెలిపారు. ఈ డంప్లో పేలుడుకు ఉపయోగించే 5 కట్టల కోడెక్స్ వైర్, అదేవిధంగా 100 డిటోనేటర్లు, 15 వాకీటాకీలు, 3 స్టీల్ కంటైనర్లు స్వాధీనం చేసుకున్నారు. ఏవోబీలోని మావోయిస్టు నేతలు.. ఉదయ్, అరుణ, సురేష్లు భద్రతా బలగాలే లక్ష్యంగా ఈ పేలుడు పదార్థాలను సేకరిస్తున్నారని పోలీసులు తెలిపారు. మల్కన్గిరి, కోరాపుట్ జిల్లాల్లో ఘర్ వాపసి ఖోజ్లో భాగంగా.. మావోయిస్టు డంప్లను కనుగొంటున్నారు. సరిహద్దు ప్రాంతంలో భద్రత కట్టుదిట్టం చేసి.. మారుమూల గ్రామాలకు రాకపోకలు సుగమం చేయడంపై ఒడిశా ప్రభుత్వం ప్రత్యేక దృష్టి పెట్టిందని అన్నారు.