సీఎం జగన్​ ఇచ్చిన హామీలను నెరవేర్చాలని ఫీల్డ్​ అసిస్టెంట్లు ధర్నా - vijayawada news

National Employment Guarantee Scheme Field Assistants Dharna :తమ సమస్యలను పరిష్కరించాలంటూ మహాత్మా గాంధీ జాతీయ ఉపాధి హామీ పథకం ఫీల్డ్ అసిస్టెంట్లు తాడేపల్లిలో భారీ ధర్నా నిర్వహించారు. రాష్ట్రవ్యాప్తంగా సుమారు 500 మంది ఫీల్డ్​ అసిస్టెంట్లు ధర్నాలో పాల్గొన్నారు. రాష్ట్ర పంచాయతీరాజ్​ కార్యాలయం వద్ద ధర్నా నిర్వహించేందుకు వచ్చిన క్షేత్ర సహాయకులను పోలీసులు అడ్డుకున్నారు. పోలీసుల తీరును నిరసిస్తూ రోడ్డుపై బైఠాయించి ప్రభుత్వానికి వ్యతిరేకంగా నినాదాలు చేశారు. అసెంబ్లీ సాక్షిగా సీఎం జగన్​ ఇచ్చిన హామీలను అమలు చేయాలని డిమాండ్ చేశారు.

Field Assistant Demands : గ్రామీణ అభివృద్ధికి కృషి చేస్తున్న ఫీల్డ్​ అసిస్టెంట్లకు కనీస వేతనం రూ.26 వేలు ఇవ్వాలని డిమాండ్​ చేశారు. మండల స్థాయి బదిలీ సౌకర్యం, ప్రమోషన్​ కల్పించాలని కోరుకున్నారు. మ్యాన్​డేస్​ విధానం రద్ధు, ఎఫ్​టీఈని అమలు చేయాలని ప్రభుత్వానికి విజ్ఞప్తి చేశారు. విధి నిర్వహణలో ప్రమాదవశాత్తు మరణించిన వారికి రూ.10 లక్షల ఎక్స్​గ్రేషియా ఇవ్వాలన్నారు. ఉపాధి హామీ పథకాన్ని పట్టణాల్లో కూడా అమలు చేయాలని పేర్కొన్నారు.