Lokesh Yuvagalam: యువగళం ప్రజాగర్జన చూసి జగన్ కి నిద్రపట్టడం లేదు: లోకేశ్ - యువగలం నవీకరణలు

Lokesh Yuvagalam at Kamalapuram: తెలుగుదేశం పార్టీ జాతీయ ప్రధాన కార్యదర్శి నారా లోకేశ్ యువగళం పాదయాత్ర కడప జిల్లా కమలాపురం నియోజకవర్గం లో కొనసాగుతోంది. చెన్నూరులో లోకేష్ బహిరంగ సభ నిర్వహించారు. కడప గడ్డపై యువగళం ప్రజాగర్జన చూసి జగన్​కి నిద్రపట్టడం లేదని.., దీంతో కోడిగుడ్లతో దాడికి ఉసిగొల్పాడని ధ్వజమెత్తారు. వైసీపీ సైకో బ్యాచ్​కి షాక్ ట్రీట్​మెంట్​ ఇచ్చే సమయం దగ్గర్లో ఉందని హెచ్చరించారు. పాదయాత్రలో ప్రజల సమస్యలు తెలుసుకున్న తరువాతే చంద్రబాబు.. 'భవిష్యత్​కు గ్యారెంటీ' పేరుతో సంక్షేమ కార్యక్రమాలు ప్రకటించారన్నారు. కమలాపురం నియోజకవర్గంలో అభివృద్ధి నిల్లు.. అహంకారం, అవినీతి, భూకబ్జాలు ఫుల్లు అని మండిపడ్డారు. ఇసుక, మట్టి, గ్రావెల్ దందా, భూకబ్జాలకు కమలాపురాన్ని కేరాఫ్​ అడ్రస్​గా రవీంద్రనాథ్​రెడ్డి మార్చేశాడని ఆరోపించారు. కమలాపురంలో తాగు, సాగునీటి ప్రాజెక్టులు, పేదలకు ఇళ్లు, గ్రామాల్లో సీసీ రోడ్లు వేసి అభివృద్ధి చేసింది టీడీపీ అని తెలిపారు. సభ జరుగుతున్న సమయంలో నమాజ్ జరగడం విని కాసేపు లోకేష్ తన ప్రసంగాన్ని ఆపారు.