Janasena Leader Mahesh Fires on Devineni Avinash: 'సైడ్​ ఇవ్వలేదని.. ఆటో డ్రైవర్​పై దాడి చేస్తారా..?' దేవినేని అనుచరులపై జనసేన మండిపాటు - Devineni Avinash

Janasena Leader Mahesh Fires on Devineni Avinash: విజయవాడ నగరంలో దేవినేని అవినాష్ అనుచరుల ఆగడాలు ఎక్కువయ్యాయని జనసేన రాష్ట్ర అధికార ప్రతినిధి పోతిన వెంకట మహేశ్ విమర్శించారు. నగరంలో అవినాశ్ అనుచర్ల రౌడీయిజం రోజురోజుకు పెరిగిపోతోందని ఆయన మండిపడ్డారు. ఒక సాధారణ ఆటో డ్రైవర్​గా పనిచేసే మువ్వల మోహన్.. రోడ్డు మీద వెళ్లే సమయంలో అవకాశం లేక సైడ్ ఇవ్వకపోవడంతో దేవినేని అవినాశ్ అనుచరులు అతడిని విచక్షణారహితంగా మండిపడ్డారు. వాహనానికి సైడ్ ఇవ్వకపోతే​ కొడతారా అని మహేశ్ ప్రశ్నించారు. ఈ విషయంలో తన కొడుక్కి అండగా వెళ్లిన మోహన్ తల్లి దుర్గారాణిపై  కూడా వారు దుర్భాషలాడి.. చెప్పు చూపించారని పోతిన తెలిపారు. దేవినేని అవినాశ్ అనుచరుల నుంచి మోహన్​కు ప్రాణహాని ఉందని ఆయన​ తెలిపారు. అవినాశ్ చేస్తున్న రౌడీయిజంపై గతంలో కూడా విజయవాడ నగర పోలీస్ కమిషనర్​కి ఫిర్యాదు చేశామని ఆయన గుర్తుచేశారు. ఈ విషయంలో మోహన్​కి అండగా ఉండి న్యాయం జరిగే వరకూ పోరాటం చేస్తానని మహేశ్ తెలిపారు.