Group 1 Ranker Sai Harshitha Interview: కోచింగ్ లేకుండా గ్రూప్-1లో సత్తా.. సాయి హర్షిత ఎలా ప్రిపేర్ అయ్యారంటే? - గ్రూప్ 1 ప్రిపరేషన్ ప్లాన్

Group 1 Ranker Sai Harshitha Interview: పేదింటి బిడ్డ గ్రూప్-1​లో ఉత్తమ ర్యాంకు సాధించి డిప్యూటీ కలెక్టర్ పోస్టుకు ఎంపికైంది. అది కూడా ఎలాంటి కోచింగ్‌ తీసుకోకుండా. తన బీటెక్ పూర్తయిన మరుసటి ఏడాదే వెలువడిన గ్రూప్‌-1 నోటిఫికేషన్‌ను చక్కగా సద్వినియోగం చేసుకుని సత్తా చాటింది. ఫలితంగా మొదటి ప్రయత్నంలోనే విజయం సాధించి.. డిప్యూటీ కలెక్టర్ పోస్టుకు ఎంపికైంది వైఎస్సార్ జిల్లా ప్రొద్దుటూరుకు చెందిన సాయి హర్షిత. తండ్రి వెంకటసుబ్బయ్య ఫ్రిజ్ మెకానిక్​గా పని చేస్తుండగా.. తల్లి శారద ఔట్ సోర్సింగ్ ఉద్యోగిగా పని చేస్తున్నారు. పేదలైన తల్లిదండ్రులు.. సాయి హర్షితను కష్టపడి చదివించారు. కొవిడ్ సమయంలోనే గ్రూప్స్​పై దృష్టి సారించినట్లు సాయి హర్షిత చెబుతోంది. రోజుకు ఆరు గంటలు మాత్రమే పట్టుదలగా చదివేదాన్నని చెబుతోంది హర్షిత. మరి, తన ఈ ఉద్యోగం సాధించటానికి ప్రభావితం చేసిన అంశం ఏంటి..? ఎలాంటి కోచింగ్ తీసుకోకుండానే.. ఇంటివద్దనే పుస్తకాలను తిరగేసి.. గ్రూప్‌-1 పరీక్షలకు ఎలా సన్నద్ధమయ్యింది..? తనకు వచ్చిన అవకాశంతో పేదలకు ఏ విధంగా సేవ చేయాలనుకుంటుంది. లాంటి అంశాలను సాయి హర్షిత మాటల్లోనే విందాం.