నేటి నుంచి శ్రీనారా పుర వెంకటేశ్వరస్వామి పవిత్రోత్సవాలు

కడప జిల్లాలో ఉన్న శ్రీ నారా పుర వెంకటేశ్వర స్వామి ఆలయంలో పవిత్రోత్సవాలను ప్రారంభించేందుకు సర్వం సిద్ధం చేశారు.

కడప జిల్లా జమ్మలమడుగులో వెలసిన శ్రీనారా పుర వెంకటేశ్వర స్వామి ఆలయంలో పవిత్రోత్సవాలకు ఏర్పాట్లు పూర్తి చేశారు. వైదిక సంప్రదాయం ప్రకారం అన్య వేళల్లో ఆలయ ప్రవేశం నిషిద్ధం. అయినా యాత్రికులు, సిబ్బంది, భక్తుల వలన తెలిసీ తెలియక దోషాలు జరుగుతుంటాయి. ఇలాంటి పరిణామాల వలన ఆలయ పవిత్రతకు ఎటువంటి లోపం రానివ్వకుండా ఏటా మూడు రోజులపాటూ ఈ పవిత్రోత్సవాలు నిర్వహిస్తారు. ఈ నెల 8,9,10 తేదీల్లో పవిత్రోత్సవాలు నిర్వహిస్తున్నట్లు తితిదే అధికారులు వెల్లడించారు. ఈ మూడు రోజుల్లో భక్తులు పెద్ద ఎత్తున హాజరవుతారని అంచనా వేస్తున్నారు.

ఇదీ చదవండి : వెయిట్ లిఫ్టింగ్​లో దూసుకుపోతున్న కడప జిల్లా కుర్రాడు