శిథిలావస్థలో పాఠశాల.. భయంలో విద్యార్థులు

ఒకప్పుడు ఓ వెలుగు వెలిగిన పాఠశాల. ప్రాథమిక స్థాయి నుంచి ప్రాథమికోన్నత స్థాయికి ఎదిగింది. ఎంతోమంది భవిష్యత్‌కు వెలుగులు అద్దింది. ఇప్పుడు అవసాన దశకు చేరింది. 66 ఏళ్లు సేవలందించిన బడిన పునరుద్ధరించాలని ప్రజలు కోరుకుంటున్నారు.

కడప జిల్లాలోని కొనసముద్రం మూడు వేలపైకుపైగా జనాభా ఉన్న గ్రామం. 1953లో ఓ మిషనరీ సంస్థ పాఠశాల నెలకొల్పింది. ఎంతో మందిని తీర్చిదిద్దిన ఈ పాఠశాల నేడు శిథిలావస్థకు చేరింది. కంపచెట్లు... విషపురుగుల మధ్యే విద్యార్థులు చదువులు సాగిస్తున్నారు. బిడికి తమ పిల్లలను పంపించాలంటేనే తల్లిదండ్రులు భయపడుతున్నారు.

200 మంది విద్యార్థులు ఉన్న ఈ పాఠశాలలో ప్రస్తుతం 22 మందికి మించి లేరు. మిషనరీ సంస్థ ఆధ్వర్యంలో నడిచే పాఠశాలలు రద్దుచేసి ప్రభుత్వ పాఠశాలలు మంజూరు చేయాలని విద్యార్థులు, తల్లిదండ్రులు చాలా ఏళ్లుగా కోరుతున్నారు. షెడ్ల పైకప్పు పూర్తిగా దెబ్బతింది. వర్షం వస్తే కురుస్తుంది. తాగునీటి వసతి లేదు. పాఠశాల ఆవరణలో ముళ్ళపొదలు విస్తరించాయి. ప్రహరి గోడ లేదు. విష జంతువులు బెడద అధికంగా ఉంది .గతంలో ఓ విద్యార్థికి తేలు కుట్టింది . చికిత్స పొంది ప్రాణాపాయ పరిస్థితి నుంచి గట్టెక్కారు. తరగతి గదులు పూర్తిగా దెబ్బతిన్నాయి కిటికీలు తలుపుల పరిస్థితి కూడా ఇంతే. ఒక ప్రధానోపాధ్యాయుడు ఇద్దరు సహ ఉపాధ్యాయులు పనిచేస్తున్నారు. ఇప్పటికైనా ఈ పాఠశాలను బాగు చేసి విద్యాభివృద్ధికి పాటుపడాలని విద్యార్థులు తల్లిదండ్రులు ప్రభుత్వానికి విజ్ఞప్తి చేస్తున్నారు.

ఇవీ చదవండి..

ఉపాధ్యాయుల ఖాళీలపై.. మూడ్రోజుల్లో నివేదిక ఇవ్వాలి'