తణుకులో రాజన్న క్యాంటీన్‌ ప్రారంభం..
పశ్చిమ గోదావరి జిల్లా తణుకు సొసైటీ రోడ్డులో వైకాపా నాయకులు, కార్యకర్తల ఆధ్వర్యంలో నడిచే రాజన్న క్యాంటీన్‌ను తణుకు శాసనసభ్యులు కారుమూరి వెంకట నాగేశ్వరరావు ప్రారంభించారు. అందరితో కలిసి భోజనాన్ని తిన్నారు. ఈ క్యాంటీన్‌ను ప్రతీరోజు ఉదయం నిర్వహించనున్నారు. పార్టీ నాయకులు, కార్యకర్తలు, దాతల సహకారంతో నిర్వహిస్తామని చెప్పారు. ఇప్పటికే 2 నెలలు క్యాంటీన్‌ నిర్వహించటానికి సరిపడే నిధులు విరాళంగా అందినట్టు తెలిపారు.